Shatrunjayatirthoddharprabandha

Author(s): Jinvijay
Publisher: Shrutgyan Prasarak Sabha

Page 81

७८
राजानो विलुठन्ति यत्क्रमतले ये ज्ञैरनेकैः श्रिताः स्तूयन्ते कविभिश्च येऽनवरतं जानन्ति जीवस्थितिम् । राजौक:श्रयणात्प्रयाति पदवीमुच्चां हि योऽग्रेकृतो ज्ञेन क्वापि विरोधमेति कविना जीवः कथं तैः समम् ॥१४॥ किं बहुना ? -
प्रथमोल्लासः ।
मीयन्ते तद्गुणाः सम्यक् तत्तुल्यैरेव नापरैः । व्योममानं धरा वेत्ति धरामानं मरुत्पथः ॥ १५ ॥ तेषां बहुशिष्याणां प्रधानभूतावुभौ विनेयौ तु । विद्यामण्डन आद्यो विनयादिमण्डनस्त्वपरः ॥ १६ ॥ योग्यावेतौ क्रमशः पूज्यैराचार्यपाठकौ विहितौ । शतशोऽन्यानि प्रतिदिनमनघानि कृतानि कृत्यानि ॥१७॥ अथान्यदा तेऽर्बुदमुख्यतीर्थयात्रार्थमत्यर्थमनूनभावैः । अभ्यर्थिताः श्रीधनराजमुख्यैः सङ्घाधिपैः सद्विहगै: प्रचेलुः ॥१८॥ पुरे पुरे निर्मितसुप्रवेशमहोत्सवाः सङ्ख्युताः क्रमेण । ते चैयरुर्नीवृति मेदपाटे दौस्थ्याऽप्रवेशाय मिलत्कपाटे ॥ १९ ॥ पदे पदे यत्र सरांसि नद्यो वनानि हेलागिरयोऽतिरम्याः । धनैश्च धान्यैश्च समृद्धिभाञ्जि वदान्यमा॑न्यानि पुराणि यत्र ॥२०॥
न क्लेशलेशो न रिपुप्रवेशो न दण्डभीतिर्न जनेष्वनीतिः । न यत्र कुत्रापि खलावकाशः कदापि नो दुर्व्यसनात्स्वनाशः ॥ २१ ॥ तत्रास्ति शैलः किल चित्रकूट : स्फुरत्पुरद्धय विजितत्रिकूट: । उर्व्या सुरावासजिगीषयेदं धृतं धनुः किं विगतप्रभेदम् ? ॥ २२ ॥ १. स्थाने स्थाने । २. धन्यानि ।