Samkhitta Taramgavai Kaha

Author(s): H C Bhayani
Publisher: L D Indology Ahmedabad

Page 259

२४४
तरंगलोला
भाणीय सत्थवाहो धणदेवो पउमदेवयस्सम्ह । दिजउ तरंगवइया भणह य जं दिज्जए सुक्क ॥१९७ तो किर दुट्ठो सेट्ठी इमाणि उवयार सुन्न विरसाणि । तस्स पउणाव उत्थण-कराणि वयणाणि भाणीय ॥१९८ कम्म जस्स पवासो तह वासो जस्स निय-गिहे नस्थि । कह तस्स सव्व-देसातिहिस्स धूय नियं दा[148Bहं ।।१९९ तह जो सावय-धम्मे सहायओ होज्ज लद-सम्मत्तो । सावय-कय-कम्मो तस्स दरिहस्स वि हु दाहं ॥२०० सोउं चेमं येडिं बेमि रुयंती अह[ह] कहं होही । कज्जमिण जं मरिही सो विरहे मज्झ तो हं पि ॥२०१ ता सारसिए घेत्तु लेह ममं वच्च तम्नि लिहियं च । सामिय देहाएसं जत्थागंतुं तुह मिलामि ।।२०२
सा वि कय-जहाइट्ठ। सम्मप्पेइ(?) तस्स पडिलेहं । जेणोभय कुल-कुसलं सो च्विय मेलावओ जुत्तो ॥२०३ दटुं चेमं मज्झ क्यणमइमयण-दूमिया गमिउं । कह वि दिवसं पओसे सा रमिउं चेडि मं नेसु ॥२०४ पिययम-पासे भगइ य सा धीरा होसु जेण वयणीय। होही एवं कज्जे कीरंते बेमि तो हं तं ॥२०५ जइ जीवियाए कज्जं सहि मे ता नेसु तत्थ मं तुरिय । एवं निबंधेण य तीए पडिबज्जिउगाहं ॥२०६ मज्जिय कय-सिंगारा भोयण-बक्खित्त-परियणे नीया । पिय वसहिं किच्छेणं जणाउलत्तेग मग्गेणं ।।२०७ तो भवण-पडिदुवारे विचित्त-देस-ट्रियाइ दरिसेइ । दासी मे तं कंतं स-वयंसं सुह-निसण्णं ति ॥२०८ दिट्ठो त्ति फुड-हट्ठा अच्छामो तत्थ एक्क-पासम्मि । मा कोइ पेच्छिहि त्ति य संकाउल-विलिय-चित्ताओ ॥२०९
अम्हं च भागधेज्जेहि तेण विसज्जिया पिय-वयंसा । पेच्छह कोमुइ-चारं तुम्भे हैं पुण सुविस्सं ति ॥२१० तेसु गएसु नियं(?)तो चेडिं भणइ(?) एहि वच्चामो । तं चक्कवाय- पटें दटुं सुसुभेण गिह-नियड २११ तं चाहं निसुणेती पट्ठि-दुवारम्मि जाव चिठ्ठामि । ताव गया सारसिया मम दासी तस्स पासम्मि ॥२१२