________________
ર
સાફ ઈન્કાર ફરમાવેલ; પરંતુ મેં મારું લખાવવાનું પૂંછડું એવું મજબૂત પકડી રાખેલું, જેથી તેમણે અકળાઈને પણ સ્વીકારવાની હા પાડી અને જે માનસિક તકલીફ વેઠી તે કેવળ મારી મૂર્ખાઈને વશ થઈને વેઠી છે તે કદી ભુલાય તેવી નથી. મારું પૂંછડું ઢીલું મૂક્યું હોત તો પોતે શુદ્ધ સનાતની છતાં ય જૈનધર્મ અને બૌદ્ધધર્મ પ્રતિ અને જૈન આલમ પ્રતિ નિષ્પક્ષ એવા તેમના મનમાં જે અસાધારણ સહાનુભૂતિ છે, તેમના જે અમૂલ્ય અનુભવો છે, તેમની એ નર્યું સત્ય સંભળાવી દેવાની નિર્ભય વૃત્તિ છે તે બધું તેમના ચિત્તમાં જ પડ્યું રહેત. અહીં અપ્રસ્તુત છે છતાં કહી દેવું જરૂરી છે કે બીજા મહાનુભાવો ય તેમને સતાવીને પણ તેમના અનુભવો શબ્દોમાં બહાર કઢાવે એવી મારી નમ્ર વિનંતી તથા ખાસ ભલામણ છે. આ અંગે પૂ. સ્વામી આનંદનો ફરી ફરીને અત્યંત સદ્દભાવ સાથે આભાર માનવાની જે તક મને સાંપડી છે તેથી વળી વિશેષ ધન્યતા અનુભવું છું.
૫. મારી આ પ્રવૃત્તિમાં જેમણે જેમણે ભૂતકાળમાં સહકાર આપેલ છે તે તમામ સજ્જનો (૧. ડૉ. બાબુ ભગવાનદાસજી કાશીવાળા - શ્રી પ્રકાશજીના પૂજ્ય પિતાજી, ૨. ભાઈ ગુલાબચંદ જૈન દિલ્લીવાળા, ૩. કવિ મુનિશ્રી અમરચંદજી ઉપાધ્યાય આગ્રા, ૪. ભાઈ શાંતિલાલ શેઠ – માનનીય કાકા કાલેલકરના દિલ્લીથી છપાતા “મંગળપ્રભાત'ના પ્રકાશન સાથે એમનું નામ સંકળાયેલ છે તથા જૈનપ્રકાશ' નામના પત્રના સંપાદકરૂપે એમનું નામ પ્રખ્યાત છે, ૫. નેહી શ્રી રિષભદાસજી રાંક, સંપાદક જૈન જગત, ૬. સ્નેહી ભાઈ માનમલજી જૈન ખીચનવાળા - મદ્રાસમાં ઝવેરાત તથા સોનાચાંદીનો વેપાર કરનાર વગેરે)નું આભાર સાથે અહીં નામ સંકીર્તન કરું છું.
Jain Education International
For Private & Personal Use Only
www.jainelibrary.org
