________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
નાની બીજી ટૂંકો છે. લગભગ ૪૨૦૦ જેટલાં પગથિયાં ચઢતાં શ્રી નેમિનાથ પ્રભુની મુખ્ય ટૂંકના કોટનો દરવાજો આવે છે. અહીં આવેલું શ્રી નેમિનાથ પ્રભુનું ભવ્ય જિનાલય ૧૯૦' x ૧૩૦ના વિશાળ ચોકમાં છે. રાણકદેવીના પથ્થર પાસે અડધો રસ્તો થાય છે. અહીં શ્રી નેમિનાથ પ્રભુના જિનાલયના નિર્માણ બાદ અનેક શ્રેષ્ઠીઓ દ્વારા જીર્ણોદ્ધાર થયા છે. જિનાલયની સામે આવેલ માનસંગ ભોજરાજની ટૂંકમાં શ્રી સંભવનાથ પ્રભુ બિરાજમાન છે. જ્યારે મેલકવસહી ટૂંકમાં શ્રી સહસ્ત્રફણા પાર્શ્વપ્રભુ મૂળનાયક રૂપે બિરાજે છે. મહારાજા સિદ્ધરાજ જયસિંહના મહામંત્રી સજ્જનમંત્રીએ આ ટૂંકનું નિર્માણ કરાવ્યાનું કહેવાય છે. આગળ જતાં સોની અમરસિંહ તથા માલદેવ દ્વારા નિર્મિત ટૂંક આવે છે જ્યાં શ્રી આ આદીશ્વર ભગવાનની વિશાળ પ્રતિમાજી છે. આ પછીની ટૂંકનું મુખ્ય મંદિર બે માળનું છે. સંગ્રામ સોનીની ટૂંકમાં શ્રી સહસ્ત્રફણા પાર્શ્વનાથ પ્રભુ બિરાજે છે. રાજરાજેશ્વર મહારાજા કુમારપાળ નિર્મિત ટૂંકમાં શ્રી અભિનંદન સ્વામી પ્રભુ છે. ત્યારબાદ ભીમકુંડ તથા ગજપદ કુંડ આવે છે. આગળ જતાં વસ્તુપાળ-તેજપાળ મંત્રી દ્વારા નિર્મિત ટૂંકમાં ત્રણ દેરાસરો છે. અહીં સ્તંભન પાર્શ્વનાથ, શ્રી ઋષભદેવ તથા શ્રી મહાવીર સ્વામીનાં દેરાસરો છે. ત્યાર બાદ મહારાજા સંપ્રતિની ટૂંક આવે છે. આ દેરાસર વિશાળ અને પ્રાચીન છે. અહીં શ્રી નેમિનાથ પ્રભુ બિરાજે છે. ત્યાર પછી ચૌમુખજી શ્રી સંભવનાથ પ્રભુની ટૂંક, સાનવાવડી, ધર્મશી હેમચંદ્રની ટૂંક, શ્રી મલ્લની ટૂંક, સતી રાજુલમતીની ગુફા, બીજી ચૌમુખજીની ટૂંક, ચોરીવાળાનું જિનાલય, ગૌમુખી ગંગા તથા ચોવીશ શ્રી જિનેશ્વર ભગવંતોની ચરણપાદુકાઓ છે.
આ ઉપરાંત દિગંબર જૈન મંદિર, પાર્શ્વનાથ પ્રભુ તથા બાહુબલી વગેરેનાં દેરાસરો છે. ગૌમુખી ગંગાની આગળ એક રસ્તો સહસ્રાવન તરફ જાય છે. હાલમાં સહસ્રાવનમાં વિકાસ થયો છે. સ્વ.આ. ભગવંત હિમાંશુ સૂરીશ્વરજી મહારાજની પ્રેરણાથી સહસ્રાવન તીર્થનો વિકાસ થયો છે. સહસ્રાવન તે શ્રી નેમિનાથ પ્રભુની દીક્ષા અને કેવળજ્ઞાન
For Private and Personal Use Only
