________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
૮૫
સમય વહેવા લાગ્યો. સમય જતાં બોરીજ તીર્થ વિશ્વમૈત્રીધામ બન્યું. ઈ.સ. ૧૯૯૦માં પેથાપુર શ્રીસંઘે આ તીર્થ પૂ.આ.શ્રી પદ્મસાગરસૂરીશ્વરજી મહારાજાની પ્રેરણાથી શ્રી મહાવીર જૈન આરાધના કેન્દ્ર – કોબાને સમર્પિત કર્યું..
વિશ્વના સર્વજીવો માટે મૈત્રીના ધામ સમા પ્રભુ વર્ધમાન સ્વામીના આ તીર્થને પૂ. આચાર્ય ભગવંતની ભાવના મુજબ વિશ્વમૈત્રી ધામ રૂપે વિકસિત કરવાનું નક્કી થયું. ઈ.સ. ૧૯૯૫માં બોરીજ તીર્થદ્ધારનાં બીજ રોપાયાં. ૧૯૯૭ના ૨૧મી મેના દિવસે ખનન વિધિ અને ૧૫મી જૂનના શિલાન્યાસ વિધિથી જિનાલયના નિર્માણનો શુભારંભ થયો. તા. ૭-૨-૨૦૦૩ના શુભ મુહૂર્ત પૂ.આ.શ્રી. . કલ્યાણસાગરસૂરીશ્વરજી મ., પૂ.આ.શ્રી પબાસાગરસૂરીશ્વરજી મ. તથા આ. શ્રી વર્ધમાન સાગરસૂરિજી મ. આદિની પાવન નિશ્રામાં શ્રી વર્ધમાનસ્વામીની મહામંગલકારી પ્રતિષ્ઠા સંપન્ન થઈ. મૂળનાયક શ્રી વર્ધમાનસ્વામીની પ્રતિમાની ઊંચાઈ ૮૧.૨૫'', પહોળાઈ ૬૪.૬૪", ગાદીની પહોળાઈ ૧૦૦”ની છે. જ્યારે પરિકરની ઊંચાઈ ૧૩૫”ની છે. જેનું કુલ વજન ૧૬ ટન જેટલું થાય છે. આ વીરાલયમાં મૂળનાયક ઉપરાંત પ્રાચીન શ્રી સંભવનાથજી, શ્રી આદીશ્વરજી, શ્રી સીમંધરસ્વામીજીની, શ્રી શાંતિનાથજીની, શ્રી વાસુપૂજ્ય સ્વામી, શ્રી પાર્શ્વનાથજી, શ્રી મુનિસુવ્રત સ્વામી, શ્રી નેમિનાથજી, શ્રી ગૌતમ સ્વામી, શ્રી સુધર્માસ્વામીજીની નૂતન પ્રતિમાજીઓ બિરાજમાન કરવામાં આવી છે. શ્રી માણિભદ્રવીર તથા રાજરાજેશ્વરી દેવી શ્રી પદ્માવતીની સ્વતંત્ર દેવકુલિકા છે. આ તીર્થસંકુલમાં શ્રાવકશ્રાવિકાઓની પૌષધશાળા, યાત્રિકો માટે ધર્મશાળા, ભોજનશાળા, પરબ, મેડિકલ સેન્ટર, વાચનાલય વગેરે છે.
શ્રી બોરીજ તીર્થ : શ્રી વિશ્વમૈત્રી ધામ, શ્રી બોરીજ તીર્થ પેઢી, અક્ષરધામ પાસે, “જ' રોડ, બોરીજ, ગાંધીનગર (ગુજરાત). ફોન નં. (૦૭૯) ૨૩૨૪૩૧૮૦ તથા પપ૭૨૭૧૮૧ છે.
For Private and Personal Use Only
