________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
પાર્શ્વનાથ પ્રભુનું જિનાલય આવેલું છે. આ પ્રતિમાજી અતિ પ્રાચીન નથી છતાં તેનો પ્રભાવ અનન્ય છે. ભક્તોનાં દુઃખો હરી લેનારા શ્રી દુઃખભંજન પાર્શ્વનાથ પ્રભુનું આ જિનાલય શેઠ તલકચંદ માણેકચંદ માસ્તરના નામથી આ દેરાસર ઓળખાય છે. પ્રતિમાજી વિ.સં. ૧૮૪૨ની હોવાનું કહેવાય છે. સંવત ૧૯૫૦માં આ જિનાલય બાંધવામાં આવ્યું હતું. સંવત ૧૮૮૧માં પં. ઉત્તમવિજયજીએ ‘શ્રી પાર્શ્વપ્રભુના ૧૦૮ છંદ’માં દુઃખભંજન પાર્શ્વનાથના નામનો ઉલ્લેખ કરેલો છે. આ પ્રતિમાજી નયનોને શાતા આપનાર મનોહારી છે. શ્રદ્ધાળુઓની મનોકામના આ પ્રતિમાજીનાં દર્શનથી સિદ્ધ થાય છે.
શ્રી દુ:ખભંજન પાર્શ્વનાથ જૈન શ્વે. દેરાસર, ઠે.દેસાઈ પોળ. બેસન્ટ હૉલ સામે, ચંદનબાગ, મુ.સુરત (ગુજરાત).
૯૭
શ્રી સહસ્ત્રફણા પાર્શ્વનાથ
સુરતના ગોપીપુરા વિસ્તારમાં આવેલ શ્રી શીતલનાથજી જિનાલયના ભોંયરામાં શ્રી સહસ્ત્રફણા પાર્શ્વનાથ પ્રભુની પ્રતિમાજી બિરાજમાન છે. શ્રી સહસ્ત્રફણા પાર્શ્વનાથ જિનાલયમાં અવારનવાર અમીઝરણાં, અમીવૃષ્ટિ તથા નાગદેવતાનાં દર્શનની ઘટનાઓ બનતી જોવા મળે છે. વિ.સં. ૨૦૩૫માં પર્યુષણ પર્વમાં શ્રી શીતલનાથજીના ગર્ભગૃહમાં દીવાલનો આરસ ખોલવામાં આવ્યો ત્યારે દશ જેટલા નાગદેવતાઓએ ભાવિકોને દર્શન આપેલાં. સં. ૨૦૩૭માં આ સ્થાને અમીવૃષ્ટિ કલાકો સુધી થઈ હતી. આ જ સાલમાં અષ્ટાપદ પૂજન દરમિયાન કેસરની વૃષ્ટિ થઈ હતી. આ જિનાલયના જીર્ણોદ્ધાર અર્થે જીર્ણ મંદિરને ઉતારવાનો પ્રારંભ થયેલો ત્યારે જમીનમાંથી ૨૦૦ જેટલાં પ્રાચીન પરંતુ અત્યંત તાજાં પુષ્પોની પાંદડીઓ અને સિંદૂર મળેલાં હતાં. એક કૂંડી પણ નીકળી હતી. તેમાંથી સુગંધી પુષ્પો પણ નીકળ્યાનું કહેવાય છે.
For Private and Personal Use Only
સુરતના શ્રેષ્ઠી ભાઈદાસ નેમીદાસે આચાર્ય ભગવંત શ્રી જિનલાભસૂરિજીના ઉપદેશથી શ્રી સહસ્રફણા પાર્શ્વનાથ પ્રભુની
