________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
કર્ણાવતી (અમદાવાદ) તરીકે ઓળખાવા લાગ્યું. જોકે વધારે તો ‘અમદાવાદ’ તરીકે ઓળખાય છે. અમદાવાદના શ્રીમંતોએ જૈનશાસનના ગૌરવને વધારે ઉજ્વળ બનાવ્યું છે.
૧૧૧
દોશીવાડાની પોળમાં શ્રી સીમંધરસ્વામીનું ભવ્ય જિનાલય આવેલું છે. તેમાં મૂળનાયક શ્રી સીમંધરસ્વામી છે. તેની ડાબી બાજુએ શ્રી સુખસાગર પાર્શ્વનાથ પ્રભુની પંચધાતુની દર્શનીય પ્રતિમા બિરાજમાન છે.
શ્રી હ્રીંકાર પાર્શ્વનાથ
અમદાવાદમાં કાળુશાની પોળ, કાળુપુરમાં શ્રી હ્રીંકાર પાર્શ્વનાથ પ્રભુનું જિનાલય આવેલું છે. હ્રીં એક બીજમંત્ર છે. તેમાં ચતુર્વિંશતિ જિનેશ્વર ભગવંતની સ્થાપના છે. કાળુશાની પોળમાં શ્રી સંભવનાથ જિનાલયના ભોંયરામાં શ્રી ચિંતામણિ પાર્શ્વનાથની બાજુમાં શ્રી હ્રીંકાર પાર્શ્વનાથજીની પ્રતિમા બિરાજમાન છે. કાળુશાની પોળમાં ત્રણ જિનાલયો આવેલાં છે. શ્રી સંભવનાથજીના ઘુમ્મટબંધ જિનાલયમાં ઉપર શ્રી શાંતિનાથજી તથા ભોંયરામાં શ્રી ચિંતામણિ પાર્શ્વનાથજી બિરાજિત છે. સંવત ૨૦૨૦માં આ જિનાલયનો જીર્ણોદ્ધાર કરવામાં આવ્યો હતો. વિ.સં. ૨૦૨૧માં આગમપ્રજ્ઞ આ.શ્રી. જંબુસૂરિશ્વરજી મ.ના વરદ હસ્તે પ્રતિષ્ઠા થઈ હતી. મૂળનાયક તરીકે બિરાજમાન શ્રી સંભવનાથજીની પ્રતિમા પર સં. ૧૫૨૭નો લેખ છે. ઉપરના ગભારાના મૂળનાયક શ્રી શાંતિનાથજીની પ્રતિમાજી ૫૨ સં. ૧૬૭૦નો લેખ છે. બીજું જિનાલય શ્રી વિજયચિંતામણિ પાર્શ્વનાથનું છે. અને ત્રીજા જિનાલયમાં શ્રી અજિતનાથ પ્રભુ બિરાજમાન છે.
For Private and Personal Use Only
શ્રી મુલેવા પાર્શ્વનાથ
અમદાવાદના રિલીફરોડ પર આવેલા પાંજરાપોળમાં શ્રી મોરૈયા પાર્શ્વનાથની ખડકીમાં શ્રી મોરૈયા (મુલેવા) પાર્શ્વનાથ પ્રભુનું જિનાલય આવેલું છે. ૨૦૦-૩૦૦ વર્ષ પૂર્વે અમદાવાદના ઈદલપુર નામના વિસ્તારમાં નિવાસ કરતા અમદાવાદના વિશાશ્રીમાળી જ્ઞાતિના શેઠ પરિવારે શ્રી મુલેવા પાર્શ્વનાથ પ્રભુનું મંદિર બંધાવ્યાનું મનાય છે. આ જિનાલયનો વહીવટ શેઠ હઠીસિંગ કેસરીસિંગ ટ્રસ્ટ દ્વારા કરવામાં
