________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૧૧૨
ગુજરાતના જૈનતીર્થો
આવે છે. થોડા સમય પૂર્વે પ્રતિમાજીઓને ખસેડ્યા વિના આ જિનાલયનો જીર્ણોદ્ધાર કરવામાં આવ્યો હતો.
અમદાવાદમાં ધરણીધરનું જિનાલય ખૂબ જ જાણીતું છે. તે સિવાય વિવિધ વિસ્તારમાં નૂતન જિનાલયો, ઉપાશ્રયોનાં નિર્માણ થયાં છે.
૧૦૬ :
શ્રી બારેજ તીર્થ
સૌરાષ્ટ્રના જૂનાગઢ જિલ્લાના બરેજા ગામમાં શ્રી બારેજા પાર્શ્વનાથ પ્રભુનું પ્રાચીન તીર્થ આવેલું છે. આ તીર્થ જૂનાગઢથી ૪૬ કિ.મી.ના અંતરે અને માંગરોળથી ૩૬ કિ.મી.ના તેમજ પોરબંદરથી ૪૨ કિ.મી.ના અંતરે આવેલું છે.
બરેજ ગામમાં આવેલ શ્રી બજા પાર્શ્વનાથની પ્રતિમાજી વેળુની કૃષ્ણવર્ણ, પદ્માસનસ્થ અને ફણા રહિતની છે.
કહેવાય છે કે એક વાર સાર્થવાહ માલ ભરીને વહાણમાં બેસીને વેપાર અર્થે પરદેશ જવા નીકળ્યો હતો. સમુદ્રમાં વહાણ તેજ ગતિથી આગળ વધી રહ્યું હતું. સમુદ્રી તોફાનના કોઈ અણસાર નહોતા. વહાણમાં સાર્થવાહ પોતાના માણસો સાથે વાર્તાલાપ કરી રહ્યો હતો. ત્યારે સમુદ્ર વચ્ચે એકાએક વહાણ ચંભિત થઈ ગયું. સાર્થવાહ નાવિકને પૂછયું. નાવિક કોઈ કારણ દર્શાવી શક્યો નહિ સાર્થવાહને ભારે આશ્ચર્ય થયું. તેણે તરત જ તપાસના ચક્રો ગતિમાન કર્યા. - ચાર-પાંચ ખલાસીઓને સમુદ્રમાં કૂદીને તપાસ કરવા જણાવ્યું ત્યારે તે સમુદ્રના જળમાંથી એક મનોરમ્ય જિન પ્રતિમાની પ્રાપ્તિ થઈ. સાર્થવાહ મનોહારી પ્રતિમાજીને જોઈને અતિ હર્ષિત બન્યો. તેણે શ્રી જિનપ્રતિમાની ખરા હૃદયથી ભક્તિ કરી ત્યાર પછી વહાણ ગતિમાન થયું. નજીકના પ્રદેશમાં તેણે પોતાનો માલ વેચ્યો, તેમાં તે અઢળક ધન કમાયો. ત્યાંથી ચીજવસ્તુઓ ભરીને ભારત તરફ આવ્યો. તેણે આ પ્રતિમાજીને બારેજા ગામમાં પધરાવી. ત્યાં આ પ્રતિમાજીને એક ભવ્ય જિનાલયમાં મૂળનાયક પદે વિભૂષિત કરાવી. આ પ્રભુજીનો પ્રભાવ અલૌકિક અને દિવ્ય છે. ચમત્કારના અનેક પ્રસંગો સર્જાયા છે.
For Private and Personal Use Only
