________________
Shri Mahavir Jain Aradhana Kendra
૧૧૬
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
શ્રી સિદ્ધપુર તીર્થ : શ્રી શ્વેતાંબર મૂર્તિપૂજક જૈન સંઘ, મુ.પો. તા. સિદ્ધપુર (ઉ.ગુ.) ૩૮૪૧૫૧.
૧૧૦ :
શ્રી ભાણવડ તીર્થ
સૌરાષ્ટ્રના જામનગર જિલ્લાના ભાણવડ ગામે શ્રી અમૃતઝરા પાર્શ્વનાથ પ્રભુનું મુખ્ય તીર્થ આવેલું છે. ભાણવડથી બે કિલોમીટરના અંતરે આવેલા આ તીર્થમાં બે મનોહર જિનાલયો છે. શ્રી અમૃતઝરા પાર્શ્વનાથ પ્રભુનું શિખરબંધી જિનાલય ભવ્ય છે. બજારમાં શ્રી શાંતિનાથ પ્રભુનું જિનાલય પણ પ્રાચીન છે. બન્ને જિનાલયોની કલાકારીગરી અદ્ભુત છે.
હાલમાં જામભાણવડને ભાણવડ તરીકે ઓળખવામાં આવે છે. પ્રાચીન ગ્રંથોમાં ‘ભાનુવડ ગ્રામ’ તરીકે આ સ્થળનો ઉલ્લેખ છે. પ્રાચીનકાળમાં આ ગામ સમૃદ્ધિની છોળો ઉછાળતી નગરી હતી, તેમ જાણવા મળે છે.
ચાંપશી નામના શ્રેષ્ઠીએ શ્રી અમૃતઝરા પાર્શ્વનાથ પ્રભુના ભવ્ય જિનાલયનું નિર્માણ કરાવ્યું હતું. સંવત ૧૬૨૨ના ફાગણ સુદ-૨ના દિવસે આ નૂતન જિનાલયમાં આ શ્રી જિનરાજસૂરિના વરદ હસ્તે શાહ ધારશી રાજશી દ્વારા શ્રી અમૃતઝરા પાર્શ્વનાથને ગાદીનશીન કરવામાં આવ્યા હતા. એ વખતે ૮૦ જિનબિંબોની પ્રતિષ્ઠા કરાઈ હતી. સંસ્કૃત ભાષામાં આ પાર્શ્વનાથને 'અમૃતસ્રાવી પાર્શ્વનાથ' જણાવેલ છે. સંવત ૧૯૫૧માં આ તીર્થનો જીર્ણોદ્ધાર થયો છે.
-
શ્રી ભાણવડ તીર્થ : શ્રી અમૃતઝરા પાર્શ્વનાથ શ્વેતાંબર જૈનતીર્થ, શેરીના રસ્તા ૫૨, મુ.પો. ભાણવડ, (જિ.જામનગર) – ૩૬૦૫૧૦. સામાન્ય રીતે સમગ્ર સૌરાષ્ટ્ર-કચ્છ અને ગુજરાતનાં નાનાં મોટાં ગામો, શહેરોમાં જૈન તીર્થો આવેલાં છે. દરેક ગામનાં જિનાલયો દર્શનીય છે.
For Private and Personal Use Only
