________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
લાગ્યો.
આ મૂળ તીર્થ આજે વિદ્યમાન નથી પરંતુ ભારતભરમાં અનેક શહેરોમાં શ્રી કલિકુંડ પાર્શ્વનાથજીની પ્રતિમાજીઓ જિનાલયોમાં પ્રતિષ્ઠિત છે. ધોળકામાં આવેલ શ્રી કલિકુંડ પાર્શ્વનાથ તીર્થ આજે ખૂબ પ્રકાશમાં આવેલ છે. હજારો યાત્રિકોની અવરજવર રહે છે.
ધોળકામાં ઉદયન મંત્રીના પુત્ર વાલ્મટ મંત્રીએ “ઉદયન વિહાર' નામનું જિનાલય બંધાવ્યું. તેમાં શ્રી વાદીદેવસૂરિએ શ્રી સીમંધર સ્વામીની પ્રતિષ્ઠા કરી હતી. મંત્રી વસ્તુપાળે અહીં શ્રી આદિનાથ પ્રભુનું જિનાલય અને બે ઉપાશ્રય બંધાવ્યાં હતાં. •
માંડવગઢના મહામંત્રી પેથડશાહે ચૌદમા સૈકામાં અહીં જિનાલય બંધાવ્યું હતું. ધોળકા ગામમાં ત્રણ પ્રાચીન જિનાલયોછે. શ્રી સુમતિનાથ જિનાલયમાં શ્રી નેમિનાથ પ્રભુની પ્રતિમાજી મનોહારી છે. ભાલાપોળમાં શ્રી ઋષભદેવ જિનાલયના ભોંયરામાં ૨૨૦૦ વર્ષ પ્રાચીન શ્રી કલિકુંડ પાર્શ્વનાથજીની પ્રતિમા બિરાજમાન છે.
થોડાં વર્ષો પૂર્વે હાલ આ.ભ.શ્રી રાજેન્દ્રસૂરીશ્વરજી મહારાજા અત્રે પધારતાં અને ભોંયરામાં સ્થિત શ્રી કલિકુંડ પાર્શ્વનાથના દર્શન કરતાં આહલાદક અનુભવ કરેલ. અને આ પ્રતિમાજીને પ્રકાશમાં લાવવા તેઓ કટિબદ્ધ થયા. તેમની મનોકામના સાકાર બની. ધોળકાથી ૨ કિ.મી.ના અંતરે “શ્રી કલિકુંડ પાર્શ્વનાથ તીર્થ'ના નિર્માણનું કાર્ય આરંભાયું.
અને સંવત ૨૦૩૮ના ફાગણ સુદ-૩ના દિવસે હજારો ભાવિકોની ઉપસ્થિતિ વચ્ચે આ શ્રી કનકપ્રભસૂરિજીના વરદ હસ્તે આ નૂતન તીર્થની પ્રતિષ્ઠા કરાઈ. આ મહોત્સવ દરમ્યાન પ. રાજેન્દ્રવિજયજી મ.ને આચાર્ય પદવીથી વિભૂષિત કરાયા હતા.
આ જિનાલય ચોવીસ દેવકુલિકાઓથી ભવ્ય બન્યું છે. આચાર્ય શ્રી સિદ્ધસેનસૂરિજીએ “તીર્થ વંદના'માં શ્રી કલિકુંડ તીર્થને વંદના કરી છે. આ સિવાય અનેક મહાન આચાર્યોએ શ્રી કલિકુંડ પાર્શ્વનાથની મુક્ત મને સ્તુતિ ગાઈ છે.
For Private and Personal Use Only
