________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
બિરાજમાન કર્યા અને નગરીમાં લાવ્યો. મહામહોત્સવ ઊજવીને પોતાના ઘરમાં પ્રભુજીને પધરાવ્યા. હીરા-માણેકની ખાણ દ્વારા રવચંદ શેઠને અઢળક સંપત્તિની પ્રાપ્તિ થઈ. રવચંદ શેઠનું જીવન સમૃદ્ધ થઈ ગયું.
એક વાર યક્ષરાજની સૂચના થતાં રવચંદ શેઠે નગરીમાં ભવ્ય જિનાલય બંધાવ્યું. વિ.સં. ૧૫૩૫ના વૈશાખ સુદ-૩ના મહામંગલ દિને પરમાત્માને જિનાલયમાં પ્રતિષ્ઠિત કર્યા..
આ ચંદ્રાવતી નગરી આજે ચાણસ્મા તરીકે ઓળખાય છે. વીશા શ્રીમાળી જ્ઞાતિની એક પ્રાચીન વંશાવલી અનુસાર જયતા નામના એક શ્રેષ્ઠીવર્યે પોતાનું ગામ નરેલી છોડીને શ્વસુરના ગામ ચાણસ્મામાં નિવાસ કર્યો અને તેણે ત્યાં શ્રી ભટેવા પાર્શ્વનાથનું જિનાલય અચલગચ્છના આ. શ્રી અજીતસિંહસૂરિજી મહારાજના ઉપદેશથી બંધાવ્યું. અને સં. ૧૩૩પમાં પ્રતિષ્ઠા-મહોત્સવ કર્યો હતો. આથી ચાણસ્માનું શ્રી ભટેવા પાર્શ્વનાથ તીર્થ વધુ પ્રાચીન હોવાની વાતનું સમર્થન કરે છે.
વિ.સં. ૧૬૪૧ના ભયંકર દુષ્કાળમાં આ મૂર્તિની સુરક્ષા ચાણસ્મામાં અશક્ય જણાતાં શ્રીસંઘે પાટણના મહેતા પાડામાં રહેતા નગરશેઠ રતનશાહના ઘર-દેરાસરમાં સુરક્ષા અર્થે મૂકાવી. દુષ્કાળનો સમય પસાર થઈ જતાં અને સુકાલ થતાં સંઘે નગરશેઠ પાસે પ્રતિમાજીની માગણી કરી પણ નગરશેઠે સંઘને જાકારો આપ્યો. પ્રતિમાજી ન આપ્યા.
નગરશેઠના વલણની ચર્ચા ચાણસ્મામાં થવા લાગી, ત્યારે ગામના પટેલ કસળદાસ અને માળી કોમના પૂજારી રામી નાથા ચતુરે પાટણથી અત્રે લાવી દેવાનો દઢ સંકલ્પ કર્યો. બન્ને કેટલાક માણસોને સાથે રાખીને પાટણ રતનશાહ નગરશેઠને ત્યાં આવ્યા અને તેમને ખૂબ સમજાવ્યા. પરંતુ નગરશેઠ એકના બે ન થયા ત્યારે દંડનીતિનો આશરો લીધો. હુલ્લડ મચાવીને શ્રી ભટેવા પાર્શ્વનાથ પ્રભુની પ્રતિમાજીને અધિષ્ઠાયક દેવની સહાયથી ચાણસ્મા લઈ આવ્યા. પ્રતિમાજીને પૂજારીના ઘરમાં પરોણા તરીકે પધરાવી. કસળદાસ પટેલે
For Private and Personal Use Only
