________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
ગાંભુના શ્રી ગંભીરા પાર્શ્વનાથના દિવ્ય પ્રભાવની વાત આજે પણ લોકમુખે ચર્ચાય છે. લોકવાયકા મુજબ દરરોજ વહેલી સવારે જિનાલયનાં દ્વાર ખોલવામાં આવતાં ત્યારે ગર્ભદ્વાર ખોલીને પ્રથમ દર્શનાર્થી પ્રભુજીની પાસે પહોંચે ત્યારે તેને પ્રભુજીની હથેળીમાં એક રૂપિયો પ્રગટ થયેલો દેખાતો. શરૂઆતમાં સૌ કોઈને આશ્ચર્ય થયું, પછી આ ઘટના સામાન્ય બની ગઈ. એક વાર આ ગામમાં એક યતિ મહારાજ આવ્યા અને તેના કાને આ વાત સાંભળવામાં આવી તો તેણે ઊંડી તપાસ કરી પછી જણાવ્યું કે ભગવાનના તિલકની વિશિષ્ટતાના કારણે આ ચમત્કાર થતો હતો.
એવું કહેવાય છે કે યતિએ પ્રભુના મસ્તક પરનું તિલક કાઢી લીધું. તે પછીથી રૂપિયો આવતો બંધ થયો, પરંતુ આ પ્રતિમાજી અત્યંત દર્શનીય છે.
સંવત ૧૫૨૫ના વૈશાખ વદ-૧૦ના ડુંગરપુરના મંત્રી શાલ સહાનાએ શ્રી ગંભીરા પાર્શ્વનાથ જિનાલયનો પ્રતિષ્ઠા મહોત્સવ રચ્યો હતો. આ મહોત્સવ આ. શ્રી સોમસુંદરસૂરિજીના શિષ્ય આ. લક્ષ્મીસાગરસૂરિની નિશ્રામાં થયો હતો.
શ્રી ગાંભૂ તીર્થ : શ્રી ગાંભૂ જૈન શ્વે.મૂ. સંઘ ટ્રસ્ટ, મુ. ગાંભુ, તા. ચાણસ્મા (જિ. મહેસાણા). ફોન નં. (૦૨૭૩૪) ૨૮૨૩૨૫છે.
૫૮:
..
શ્રી તારંગાઇ તીર્થ
મહેસાણાથી ૭૨ કિ.મી.ના અંતરે, વડનગરથી ૩૮ કિ.મી., વિસનગરથી ૫૧ કિ.મી. ખેરાલુથી ૨૪ કિ.મી. અંતરે શ્રી તારંગા તીર્થ આવેલું છે. કલિકાલસર્વજ્ઞ જૈનાચાર્ય શ્રી હેમચંદ્રસૂરીશ્વરજી મહારાજ દ્વારા પ્રતિબોધિત રાજરાજેશ્વર મહારાજ કુમારપાળ દ્વારા શ્રી તારંગા તીર્થનું વિક્રમ સંવતની બારમી સદીમાં નિર્માણ થયેલું છે. અહીં શ્રી અજિતનાથ પ્રભુની શ્વેતવર્ણની પદ્માસનસ્થ પ્રતિમાજી મૂળનાયક રૂપે બિરાજમાન છે. અહીં દિગંબર જૈન દેરાસર આવેલું
For Private and Personal Use Only
