________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
૭૩
હતા. તેમના પૂર્વજોની આ જન્મભૂમિ છે. મોઢેરાનું સુવિખ્યાત સૂર્યમંદિર ભારતીય કલાનો બેનમૂન વારસો છે. આ સ્થાનનાં દર્શન એક વાર જરૂર કરવાં. અહીં જૈન ધર્મશાળા કે ભોજનશાળા નથી. આ સ્થળે સૂર્યમંદિર જેવાં અન્ય હિંદુ મંદિરો આવેલાં છે. સરકાર મોઢેરાના વિકાસ માટે કાર્યરત છે.
શ્રી મોઢેરા તીર્થ : શ્રી ચિંતામણિ પાર્શ્વનાથ જિનાલય, મુ.પો. મોઢેરા - ૩૮૪૨૧૨, તા. બહેચરાજી (જિ.મહેસાણા). ફોન નં. (૦૨૭૩૪) – ૨૮૪૩૯૦ છે. અહીંથી ગાંભૂ તીર્થ ૭ કિ.મી.ના અંતરે આવેલું છે.
૧:
શ્રી આગલોડ તીર્થ
વિજાપુર ગામથી નજીક આવેલું આ તીર્થ જૈન શાસનરક્ષક દેવ શ્રી માણિભદ્રવીરનું સ્થાનક છે. શ્રી સિદ્ધાચલજીના શુભસ્મરણ અને શ્રી નવકાર મહામંત્રના રટણથી માણેકચંદ તપાગચ્છ અધિષ્ઠાયક શ્રી માણિભદ્રવીર બન્યા. આજે જિનશાસનમાં શાસનદેવ તરીકે શ્રી માણિભદ્રવીરની પૂજા થાય છે. જૈન-જૈનેતરો ભક્તિ ભાવપૂર્વક શ્રી માણિભદ્રવીરની ભક્તિ કરે છે. શ્રી માણિભદ્ર વીર જાગૃત દેવ છે. શ્રી માણિભદ્રવીરે શત્રુંજય યાત્રાની પ્રતિજ્ઞા આસો સુદ-૫ના દિવસે લીધી હતી. તેથી આસો સુદ –પના શ્રી માણિભદ્રવીરનું મહાપૂજન (હવન) કરવામાં આવે છે. ઉજ્જૈનમાં શ્રી માણિભદ્રવીરના મસ્તકની પૂજા થાય છે. મગરવાડામાં શ્રી માણિભદ્રવીરના પગની પિંડીના આકારની સ્થાપના કરાઈ છે અને તેની પૂજા થાય છે જ્યારે આગલોડમાં ધડની પૂજા થાય છે. (વિશેષ માટે “શ્રી માણિભદ્રવીર’ કથા–વિમલ ધામી લિખિત વાંચો.)
આગલોડમાં શ્રી માણિભદ્રવીરના સ્થાનક સાથે ભવ્ય જિનાલય, ધર્મશાળા, ભોજનશાળા તેમજ સુખડી ધરવાની વ્યવસ્થા છે. અહીંથી મહુડી ૧૪ કિ.મી.ના અંતરે આવેલું છે.
ગુજૈ.તિ-૬
For Private and Personal Use Only
