________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૭૮
.
ગુજરાતના જૈનતીર્થો
અને અમદાવાદથી ૩૭ કિ.મી.ના અંતરે આવેલ શ્રી પાનસર તીર્થમાં શ્રમણ ભગવાન મહાવીર સ્વામીની શ્વેતવર્ણની તેજસ્વી પ્રતિમાજી મૂળનાયક રૂપે બિરાજમાન છે. આ પ્રતિમાજી ભૂગર્ભમાંથી મળી છે. આ ઉપરાંત અહીંથી અનેક પ્રતિમાજીઓ જમીનમાંથી મળી આવી છે. આથી પ્રાચીનકાળમાં અહીં ભવ્ય તીર્થસ્થાન હોવાનું માનવામાં આવે છે. આ ગામમાં આવેલા એક બીજા જિનાલયમાં શ્રી ધર્મનાથ પ્રભુની પ્રતિમાજી છે. આ પ્રતિમાજી પણ જમીનમાંથી મળી આવી છે. અહીં ધર્મશાળા તથા ભોજનશાળાની સગવડ છે.
શ્રી પાનસર તીર્થ : શ્રી પાનસર મહાવીર સ્વામી જૈન દેરાસર ટ્રસ્ટ, મુ.પો. પાનસર – ૩૮૨૭૪૦ તા, કલોલ (જિ.ગાંધીનગર). ફોન નં. (૦૨૭૬૪) ૨૮૮૨૪૦, ૨૮૮૪૦૨ છે. નજીકમાં ૧૪ કિ.મી.ના અંતરે શેરીસા તીર્થ આવેલું છે. ૫ :
શ્રી શેરીસા તીર્થ
અમદાવાદ-મહેસાણા રોડ પર કલોલથી આઠ કિલોમીટર દૂર શેરીસા ગામમાં શ્રી શેરીસા પાર્શ્વનાથ પ્રભુનું મુખ્યતીર્થ અતિપ્રાચીન છે. આ પ્રાચીન તીર્થ અમદાવાદથી નજીક છે. અહીં ધર્મશાળા તથા ભોજનશાળાની ઉત્તમ સગવડ છે. વામજ, પાનસર, ભોંયણી વગેરે તીર્થસ્થળો અહીંથી નજીકમાં છે.
રાજરાજેશ્વર મહારાજ કુમારપાળના સમયમાં કલિકાલસર્વજ્ઞ મહાપુરુષ જૈનચાર્ય શ્રી હેમચંદ્રસૂરિજી મહારાજના સહાધ્યાયી આ. શ્રી દેવેન્દ્રસૂરીશ્વરજી મહારાજ એક વાર સેરીસા આવ્યા હતા. તેઓ આ ભૂમિનું સૌંદર્ય અને પવિત્રતાથી અતિ પ્રસન્નતા અનુભવવા લાગ્યા. તેઓ ધ્યાનમાં સ્થિર થતાં તેમના દિવ્યતા ધરાવતા જ્ઞાનમાં આ સ્થાનની અંદર છુપાયેલી એક વિશાળ પાટ જોવા મળી. પાષાણની આ પાર્ટીમાંથી એક સુમનોહર જિનબિંબનું નિર્માણ થાય તો અનેક જીવોનું આત્મકલ્યાણ થાય.
For Private and Personal Use Only
