________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
આચાર્ય શ્રી દેવેન્દ્રસૂરિજીને ધ્યાનસાધનામાં વિરાટ પાટ જોયા પછી જિનબિંબની રચના તેમાંથી થાય તેવી ઈચ્છા ઉત્પન્ન થઈ. ત્યાર પછી તેઓએ પોતાની ઉત્કૃષ્ટ મનોકામના સિદ્ધ કરવા શ્રી પદ્માવતી દેવીની આરાધના અઠ્ઠમ તપ સાથે કરી. શ્રી પદ્માવતી દેવીએ સાક્ષાત થઈને આચાર્ય ભગવંતને માર્ગદર્શન આપ્યું. દેવીના કથન અનુસાર આ. દેવેન્દ્રસૂરિએ સોપારક નગરથી એક અંધ શિલ્પીને બોલાવ્યો.
અંધ શિલ્પીએ અઠ્ઠમનું તપ કર્યા પછી પાષણની વિરાટ પાટ પર શિલ્પકામ શરૂ કર્યું. અંધ શિલ્પીએ સૂર્યાસ્ત બાદ શિલ્પકામ શરૂ કર્યું અને બીજા દિવસે સૂર્ય ઊગે તે પહેલાં એક અતિ મનોહર જિનબિંબનું સર્જન થઈ ચૂક્યું હતું.
એક તરફ અંધ શિલ્પીએ શ્રી પાર્શ્વપ્રભુનું દર્શનીય અને મનોહારી જિનબિંબનું નિર્માણ કર્યું તે જ રાત્રે આ. દેવેન્દ્રસૂરિજીએ પોતાની મંત્રસિદ્ધિથી અયોધ્યા નગરીથી ચાર જિનબિંબો અત્રે લઈ આવવાનું વિચાર્યું.
આચાર્ય દેવેન્દ્રસૂરિ સિદ્ધ મહાત્મા હતા. તેમણે મંત્રશક્તિના બળે ચાર જિનબિંબ અત્રે લાવવાની કામના કરી. સિદ્ધપુરુષની કામના ક્યારે અસફળ થતી નથી. ચારમાંથી એક પ્રતિમાજીને પ્રાત:કાળ થઈ જવાના કારણે માર્ગમાં ધારાસેનક નામના ગામમાં પધરાવવામાં આવી. અન્ય ત્રણ પ્રતિમાજીઓ આવી પહોંચી. ત્યાં તો આસપાસમાં એક જગ્યાએથી બીજી ચોવીસ જિનપ્રતિમાજીઓ મળી આવી.
આ તમામ જિનપ્રતિમાજીઓને શેરીસા ગામમાં એક ભવ્ય જિનાલયનું નિર્માણ કરાવીને પ્રતિષ્ઠિત કરવામાં આવી. જ્યારે અંધ શિલ્પીએ એક રાતમાં નિર્માણ કરેલી સુમનોહર પ્રતિમાજી શ્રી શેરીસા પાર્શ્વનાથના નામથી જગવિખ્યાત થઈ. આ તીર્થની સ્થાપના બારમા સૈકામાં થયાના ઉલ્લેખો છે.
એમ કહેવાય છે કે મૂળનાયક પ્રભુની પ્રતિમાજી ડોલતી રહેતી હતી. તેથી “ડોલણ પાર્શ્વનાથ'ના નામથી ઓળખાવા લાગી, પરંતુ આચાર્ય ભગવંતે મંત્રશક્તિથી આ ડોલતી પ્રતિમાજીને સ્થિર કરી.
For Private and Personal Use Only
