________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
૭૧
છે, જેમાં શ્રી આદિનાથ પ્રભુ મૂળનાયક રૂપે બિરાજમાન છે. આ ઉપરાંત વિક્રમ સંવતની પહેલી સદીમાં શ્રી સિદ્ધાયિકા દેવીનું દેરાસર નિર્માણ થયું હોવાનો ઇતિહાસ છે. આ જિનાલયને જોનાર પ્રત્યેકના હૃદયમાં ધન્ય શબ્દ નીકળ્યા વિના ન રહે. ૨૪ ગજ પ્રમાણની ઊંચાઈવાળું ૩૨ માળનું આવું સર્વાંગસુંદર દેરાસર અન્યત્ર ક્યાંય નથી. દેરાસરનો ચોક ખૂબ જ વિશાળ છે. ભવ્ય કલાકારીગરીથી સમૃદ્ધ આ જિનાલય તે કાળમાં આવા સ્થાને કઈ રીતે તૈયાર થઈ શક્યું હશે તે પ્રશ્ન સહજ રીતે ઉદ્દભવ્યા વિના ન રહે...હાલના શ્વેતાંબર જિનાલયના શિખરની ઊંચાઈ, કલાકારીગરી, વિશાળ રંગમંડપ અત્યંત દર્શનીય છે.
એક જૂની જનશ્રુતિ અનુસાર “આબુની કોતરણી, રાણકપુરની બાંધણી, તારંગાની ઊંચાઈ અને શત્રુંજયનો મહિમા” આ ચીજોની જોડી મળવી મુશ્કેલ છે. શ્રી અજિતનાથ જિનાલયની દક્ષિણમાં કોટીશીલા નામનું સ્થાન છે, જ્યાંથી અનેક મુનિવરો ઘોર તપસ્યા કરીને મોક્ષે સિધાવ્યા છે. શ્રી અજિતનાથ ભગવાનની પ્રતિમાજી અત્યંત દર્શનીય અને ચમત્કારી છે. અહીં રહેવા તથા જમવાની વ્યવસ્થા છે.
વિ.સં. ૧૪૬૬માં આ જિનાલયનો જીર્ણોદ્ધાર ઈડરના ગોવિંદ સંઘવી નામના શ્રાવકે કર્યો હતો. તેઓ ઈડર રાજ્યના રાણા પુંજાજીના ખાસ માન્ય અને સંઘના અગ્રેસર વત્સરાજ સંઘવીના પુત્ર હતા. તે કાળમાં વિદ્યમાન તપાગચ્છીય આચાર્ય મહારાજ શ્રી સોમસુંદરસૂરિના અનન્ય ભક્ત હતા. હાલમાં જે પ્રતિમાજી મૂળનાયક રૂપે બિરાજમાન છે તે વિ.સં.ના ૧૫મા સૈકામાં પ્રતિષ્ઠિત થયેલ છે.
આ તીર્થ વસ્તુપાલ-તેજપાલના સમયમાં પ્રસિદ્ધ હતું અને તે સમયે પણ મૂળનાયક શ્રી અજિતનાથ ભગવાન હતા એમ વિ.સં. ૧૨૮૪-૮૫ની સાલમાં વસ્તુપાલ-તેજપાલ મંત્રીઓના હાથે અહીં પ્રતિષ્ઠિત થયેલા અનેક પ્રતિમાજી પરના શિલાલેખો પરથી જણાય છે.
શ્રી તારંગાજી તીર્થ : શ્રી આણંદજી કલ્યાણજી શ્વે.મૂ.જૈન પેઢી, મુ.પો. તારંગા-૩૮૪૩૫૦ (જિ.મહેસાણા). ફોન નં. (૦૨૭૬૧) ૨૫૩૪૭૧ છે.
For Private and Personal Use Only
