________________
Shri Mahavir Jain Aradhana Kendra
૬૪
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
૮૦૦ વર્ષ પસાર થઈ ગયાં, ત્યારે ભટેવા નગ૨માં એક અલૌકિક પ્રસંગ બન્યો.
ભટેવા નગરમાં સુરચંદ નામનો એક વણિકપુત્ર રહેતો હતો. પૂર્વનાં કોઈ કર્મોને કારણે તે ભારે નિર્ધનતા ભોગવતો હતો. તે પોતાનું જીવન કંગાળ અવસ્થામાં પસાર કરતો હતો. તે જીવનથી ભારે દુઃખી હતો, પરંતુ ધર્મ પ્રત્યેની આસ્થા જળવાઈ રહી હતી.
એક વાર તેને સુરસુંદર નામના મુનિનો ભેટો થયો. સુરચંદે મુનિને પોતાની હાલતનો ચિતાર આપ્યો. ત્યારે મુનિએ અંતરાયકર્મને નિવારવા પૌષધવ્રત સાથે પદ્માવતી દેવીની આરાધના કરવા સૂચવ્યું. સુરચંદે મુનિના કથન મુજબ પૌષધવ્રત કર્યું અને પહ્માવતી દેવીની હૈયાના ભાવ સાથે આરાધના કરી. પદ્માવતી દેવીએ તેને શ્રી ભટેવા પાર્શ્વનાથ ભગવંતની ભક્તિ સાથે અઠ્ઠમ તપ કરવાનું સૂચવ્યું. સુરચંદે અનેરા ભક્તિભાવ સાથે અઠ્ઠમ તપની આરાધના આરંભી.
પૂર્વે દેવલોકમાં મહáિકદેવ તરીકેના ગુણસુંદરના જીવે દેવલોકમાં રહીને સુરચંદની શ્રી ભટેવા પાર્શ્વનાથ પ્રભુની ભક્તિ અવધિજ્ઞાન માંડીને નિહાળી. તે દેવાત્મા સુરચંદની અનેરી ભક્તિથી પ્રસન્ન થયો. સુરચંદના પ્રબળ અંતરાયોને વિખેરવા પોતાના વિમાનમાંથી શ્રી ભટેવા પાર્શ્વનાથનું વેળુનું દિવ્યતા ધરાવતું બિંબ લાવીને આપ્યું.
શ્રી ભટેવા પાર્શ્વનાથની પ્રતિમાની પ્રાપ્તિથી સુરચંદના હરખનો પાર ન રહ્યો. તે પરમાત્માની રોજ ભક્તિ કરવા લાગ્યો. સુરચંદની જિનભક્તિ અપૂર્વ હતી. તેના કર્મનાં જાળાં વીખરાઈ ગયાં અને તે થોડા સમયમાં સુરચંદમાંથી સુરચંદ શ્રેષ્ઠી બની ગયો. અઢળક સંપત્તિનો સ્વામી બન્યો.
શ્રી ભટેવા પાર્શ્વનાથ પ્રભુજીની પ્રતિમાના ચમત્કારની વાત ઈલાદુર્ગના રાજાના કાને આવી. તે પ્રતિમા લઈ આવવા માટે રાજાએ પોતાના સુભટ્ટોને સુરચંદ શેઠને ત્યાં મોકલ્યા. સુરચંદ શેઠે પ્રતિમા આપવાની સુભટ્ટોને ઘસીને ના પાડી. સુભટ્ટો પોતાના પર બળજબરી કરશે તેવો ભય જણાતાં સુરચંદ શેઠે તે પ્રતિમાજી રામા પટેલના ખેતરમાં
For Private and Personal Use Only
