________________
Shri Mahavir Jain Aradhana Kendra
૬૨
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
અને પ્રત્યક્ષ દર્શન આપીને કહ્યું : ‘હે રાજન, તમારી દઢતા અને અપૂર્વ ભક્તિના કારણે આ વેળુની પ્રતિમાજી વજ્રમય બની ગયેલ છે.’ પદ્માવતીનાં આ વચનથી રાજા અને મંત્રીની મૂંઝવણ દૂર થઈ. રાજા અને મંત્રીએ અનેરા ઉલ્હાસ સાથે જલપૂજા કરી. પદ્માવતી દેવી અને વનના દેવતાએ પણ ભક્તિ-મહોત્સવ ઊજવ્યો.
આમ મહારાજા પ્રજાપાલ અને મહામંત્રી બુદ્ધિસાગરના અંતરમાંથી વન્યપ્રદેશની ભયાનકતા નષ્ટ થઈ. બન્નેનો ભય ટાળનારા
આ પાર્શ્વપ્રભુ ભટેવા પાર્શ્વનાથ તરીકે પંકાયા. રાજા અને મહામંત્રીએ શ્રી જિનપૂજાનો દૃઢ નિશ્ચય લીધો હતો. પ્રથમ દિવસે જ બન્નેની પરીક્ષા થઈ. તેમાં બન્ને ઉત્તીર્ણ થયા. બન્નેનાં દૃઢ મનોબળ, શ્રદ્ધા અને ભક્તિની પરીક્ષા થઈ. બન્ને તેમાંથી પાર ઊતર્યા.
બન્નેની અપાર ભક્તિના સ્વરૂપે શ્રી ભટેવા પાર્શ્વનાથ પ્રભુનું પ્રાગટ્ય થયું. સંસ્કૃતમાં અતિ પ્રશસ્ય દેવને ‘ભદ્રદેવ’ કહેવાય છે. ‘ભદ્રદેવ’ શબ્દનું અપભ્રંશ ‘ભટેવા’ બન્યાનો કેટલાક વિદ્વાનોનો મત છે.
મહારાજા પ્રજાપાલે પરમાત્માની ભક્તિથી અતિ સંતુષ્ટ થઈને તે સ્થળે ભટેવા નામનું નગર વસાવ્યું અને નગરમાં અતિ ભવ્ય જિનાલયનું નિર્માણ કરાવીને આ જિનબિંબ મહોત્સવ રચીને પ્રતિષ્ઠિત કરાવ્યું. ભાવિકો ત્યાં સેવાપૂજા કરીને શ્રદ્ધાનાં પુષ્પો બિછાવતા રહ્યા. આ ઘટનાને ત્રીસ હજાર વર્ષ થયાં. કુંતલપુર પાટણમાં એક વિરલ પ્રસંગ બન્યો.
આ નગરીના સંસ્કારી, વિવેકી અને પ્રજાવત્સલ રાજવી ભૂધરને ગુણસુંદર નામનો એક પુત્ર હતો. તે જન્મથી જ વિવિધ રોગોમાં સપડાયેલો હતો. ગુણસુંદર જન્મથી જ દૃષ્ટિહીન, મૂંગો તેમજ તેના સમગ્ર શરીરમાં ન કળી શકાય તેવી અસહ્ય પીડા હતી. મહારાજા ભૂધર પોતાના પુત્રની આ દશા જોઈ શકતો નહોતો. તેણે પુત્રને બેઠો કરવા માટે પાર વગરના ઉપચાર કર્યા, પરંતુ કોઈ પણ ઉપાય કારગત નીવડ્યો નહિ. રાજાને હંમેશાં પોતાના પુત્રના રોગ બાબતની
For Private and Personal Use Only
