________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
૬૫
ભંડારી દીધી. સુભટ્ટો ચાલ્યા ગયા. સુરચંદ શેઠે પોતાનું જીવન ધર્મમય બનાવ્યું. અંતે મૃત્યુ પામીને યક્ષનિકાયમાં દેવ તરકે ઉત્પન્ન થયા.
રામા પટેલના ખેતરમાં શ્રી ભટેવા પાર્શ્વનાથજીની પ્રતિમાજી બે હજાર વર્ષ સુધી ગુપ્ત રહી, ત્યાર પછી બનેલી ઘટના પ્રસ્તુત છે.
ચંદ્રાવતી નગરીમાં રવચંદ નામના શ્રેષ્ઠી રહેતા હતા. તેઓ ધર્મમય જીવન પસાર કરતા હતા. કોઈ અશુભ કર્મના ઉદયે તેમની આર્થિક સ્થિતિ અત્યંત દયાજનક હતી. એક રાત્રિએ ધર્મક્રિયાઓ પૂરી કરીને નવકાર મંત્રનું સ્મરણ કરતા રવચંદ શેઠ પથારીમાં સૂતા. પરોઢિયે યક્ષનિકાયના દેવ બનેલા સુરચંદ શેઠના જીવે સ્વપ્નમાં પ્રત્યક્ષ થઈને તેના દુઃખના નિવારણનો મંગલ ઉપાય સૂચવ્યો. તે માટે ઈડર પાસેની ભટેસર નગરીના દક્ષિણ દિશાના વનમાં રથ લઈ જવાનું સૂચવ્યું અને એક નિશ્ચિત સ્થાન બતાવ્યું. ત્યાં પ્રભુજીની પ્રતિમા પ્રાપ્ત થશે. તેને રથમાં પધરાવીને લાવવાનો નિર્દેશ કર્યો.
રવચંદ શેઠે સ્વમ પૂરું થયા પછી શય્યાનો ત્યાગ કર્યો અને નવકારનું સ્મરણ કરવા લાગ્યા. શુભ સંકેતવાળું સ્વપ્ર જોઈ શેઠને અત્યંત હર્ષ થયો. પ્રાત:કાળે રવચંદ શેઠે સ્વપના સંકેત મુજબ ભટેસર નગરી તરફ પ્રયાણ કર્યું.
આગળ જતાં રવચંદ શેઠ ગડમથલમાં મુકાયો. આથી તેણે માર્ગદર્શન મેળવવા સ્વમમાં આવનાર યક્ષરાજનું સ્મરણ કર્યું. યક્ષરાજે તરત જ પ્રત્યક્ષ દર્શન આપીને નગરીની દક્ષિણ દિશાના વન્યપ્રદેશમાં આવેલ સરોવરના કિનારે અશોકવૃક્ષની નીચે શ્વેત સર્પ નૃત્ય કરતો જોવા મળશે અને ત્યાં જ મોતીનો સાથિયો જોવા મળશે ત્યાં ખોદવા જણાવ્યું.
રવચંદને યક્ષરાજના કથન મુજબ સરોવરના કાંઠે અશોકવૃક્ષની નીચે શ્વેત સર્પ અને મોતીનો સાથિયો જોવા મળ્યા. તે આનંદિત થયો. : અને ત્યાં ખોદકામ કરતાં રવચંદ શેઠને શ્રી ભટેવા પાર્શ્વનાથ પ્રભુની વેળુની નયનરમ્ય પ્રતિમાજી અને હીરા-માણેકની ખાણ પ્રાપ્ત થઈ.
રવચંદ શેઠનો હરખ માતો નહોતો. તેણે પરમાત્માને રથમાં
For Private and Personal Use Only
