________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
૩૩
વિ.સં. ૨૦૫૧ની વાત. પૂ. બંધુબેલડી આચાર્યદેવ શ્રી જિનચંદ્ર તથા હેમચંદ્રસાગરસૂરિજી મહારાજ આ જ રોડ પરથી પસાર થતા હતા. સવારનો સમય હતો. ત્યારે એમની નજર સામે થોડે દૂર બાર ફૂટ લાંબો, ત્રણ ઇંચ જાડે, ક્રીમ કલરનો ખૂબસૂરત એક સાપ ડાબેથી જમણે રોડ ક્રોસ કરતો હતો. ત્યાં એક કાર સાપ ઉપરથી પસાર થઈ. સર્પ બૂરી રીતે ઘાયલ થયો. એનો વચલો ભાગ રોડ ઉપર સપ્ત ચોંટી ગયો હતો. બન્ને પૂજ્યશ્રીઓ દોડતા સાપ પાસે પહોંચી ગયા. સાપ તરફડી રહ્યો હતો. ત્યારે ટ્રાફિકની અવગણના કરી સાપને નવકાર મહામંત્ર સંભળાવવા લાગ્યા. થોડી વારે એક માણસ દ્વારા લાકડીના સહારે ચોટેલો ભાગ ઉખાડ્યો અને હડસેલીને રોડની જમણી બાજુ લઈ ગયા પણ ત્યાં દસ-બાર કાગડા સાપને કોચવા આવી ગયા. એનાથી સાપને બચાવવા એની ઉપર બાવળની ડાળીઓ મુકાવી દીધી, જેથી કાગડો સાપને અડી ન શકે. અને વળી નવકાર મંત્ર સંભળાવવા લાગ્યા. અને એ નવકાર સાંભળતાં સાંભળતાં જ સાપે જીવ મૂક્યો ત્યારે કલ્પના પણ નહીં કે આ સ્થળે ભવ્ય તીર્થ બનશે. પરંતુ છ મહિના બાદ પાછા આ જ રસ્તેથી પૂજ્ય બંધુબેલડી આચાર્યજી અહીં પધાર્યા. આ જમીન ઉપર પગ મૂક્યો અને ત્યાં જ અદશ્ય સંકેત થયો. એ સંકેતનું સાકાર સ્વરૂપ એટલે જ આજે ઊભેલું અયોધ્યાપુરમ્ મહાતીર્થ. આજે પણ એ સાપનો સદ્ગત આત્મા આ તીર્થમાં પૂર્ણ સહાય કરે છે.
આ તીર્થમાં એક જ શિલામાંથી શ્રી આદિનાથ પ્રભુની ૨૩ ફૂટ ઊંચી પ્રતિમાજી મૂળનાયક રૂપે બિરાજે છે. ભવ્ય રંગમંડપ છે. અહીં નવકાર મંદિર તથા દેવી-દેવતાઓની દેરી પણ છે. ધર્મશાળા તથા ભોજનશાળાની સર્વશ્રેષ્ઠ સગવડ છે. ઉપાશ્રય પણ આવેલો છે. શ્રાવક આરાધના ભવન, શ્રાવિકા આરાધના ભવન છે. આ તીર્થ શત્રુંજય ગિરિરાજ મહાતીર્થના માર્ગ પર આવેલું હોવાથી હજારોની સંખ્યામાં શ્રાવક-શ્રાવિકાઓ પૂ. સાધુ-સાધ્વીજી ભગવન્તો પધારે છે.
શ્રી આયોધ્યાપુરમ્ તીર્થ : શ્રી જૈન આર્ય તીર્થ અયોધ્યાપુરમ્
For Private and Personal Use Only
