________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
૫૪
ગુજરાતના જૈનતીર્થો
સંવત ૧૨૧૮ના ફાગણ વદ ૧૦ના ભીમપલ્લીના શ્રી વીર જિનાલયમાં શ્રી જિનપતિસૂરિને આ. શ્રી જિનચંદ્રસૂરીશ્વરજી મહારાજે દીક્ષા આપ્યાનોં ઉલ્લેખ છે. અનેક પ્રભાવક આચાર્યોએ આ તીર્થની યાત્રા કરી છે. શ્રી વીર જિનપ્રાસાદનો જીર્ણોદ્ધાર સંવત ૧૩૧૭માં થયાનો ઉલ્લેખ છે. અહીં ગૌતમ સ્વામીની મૂર્તિની સંવત ૧૩૩૪માં પ્રતિષ્ઠા કરાઈ હતી.
સંવત ૧૩૪૪ના લેખવાળી શ્રી અંબિકાદેવીની મૂર્તિ આજે પણ છે. સં. ૧૩૮૨માં અહીં આ. શ્રી જિનોદયસૂરિજીની દીક્ષા સંપન્ન થઈ હતી. એવાં પ્રમાણ મળે છે કે આ તીર્થના નામ પરથી “ભીમપલ્લી ગચ્છનો આરંભ થયો હતો. સં. ૧૩પ૨માં અહીં ૧૨ જૈનાચાર્યોએ સાથે ચાતુર્માસ કરેલું. સં.૧૩પ૩ની સાલમાં બે કારતક માસ હતા, તેથી ચાતુર્માસ બીજા કારતક માસની પૂર્ણિમાના પૂરું થાય, પરંતુ તપાગચ્છના આ. શ્રી સોમપ્રભસૂરિએ વિદ્યાના બળે જોયું કે આ નગરીનો ટૂંકા સમયમાં નાશ થવાનો છે. આથી આચાર્યશ્રી કારતક માસની પૂર્ણિમાએ ચાતુર્માસ પૂર્ણ કરીને તુરત જ વિહાર કરી ગયા. અહીંના જૈનો પણ ભવિષ્યવાણી સાંભળીને ચાલ્યા ગયા. જૈનોએ રાધનપુર નગર વસાવ્યું. આચાર્યશ્રીની ભવિષ્યવાણી સત્ય કરી. સં.૧૩પપ-પ૬માં અલાઉદ્દીન ખીલજીના સેનાપતિ અલફખાને ભીલડિયાનો નાશ કર્યો.
એ પછી કાળના પ્રવાહમાં અનેક સૈકાઓ પસાર થઈ ગયા. આ નગરને લોકો ભૂલી ગયા. એક વાર ડીસાના ધરમચંદ મહેતાના હૈયામાં અહીં નગર વસાવવાના કોડ જાગ્યા. તેમણે અણદા ગામના ભીલડિયા બ્રાહ્મણાને પ્રેરણા કરીને સં. ૧૮૭૨માં ગામ વસાવ્યું, જે ભીલડીયા નામથી પ્રસિદ્ધ થયું.
સંવત ૧૮૯૦માં જિનાલયનું નિર્માણ થયું. સં. ૧૮૯૨માં પ્રતિષ્ઠા કરાઈ. શ્રી ઉમેદવિજયજી મ.ના પ્રયત્નોથી આ તીર્થ વધારે પ્રકાશમાં આવ્યું. સં. ૧૯૩૬માં આ તીર્થનો વહીવટ પાટણના વીરચંદભાઈએ સંભાળ્યો. અહીં દર વર્ષે પોષ દશમીનો મેળો યોજાવા લાગ્યો.
સં. ૧૯૮૩માં શ્રી મહાવીર સ્વામી સહિત અનેક જિનબિંબોની
For Private and Personal Use Only
