________________
Shri Mahavir Jain Aradhana Kendra
૫૮
૫૪:
www.kobatirth.org
Acharya Shri Kailassagarsuri Gyanmandir
ગુજરાતના જૈનતીર્થો
શ્રી મુંજપુર તીર્થ
મહેસાણા (ગુજરાત)ના સમી તાલુકાના મુંજપુર ગામમાં શ્રી જોટીંગડા પાર્શ્વનાથ ભગવાનનું જિનાલય આવેલું છે. શંખેશ્વરથી મુંજપુર ૬।। માઈલના અંતરે, સમી તથા હારીજથી ૮ માઈલના અંતરે, કંબોઈ તીર્થથી ૧૨ માઈલના અંતરે તથા હારીજ રેલવે સ્ટેશનથી ૧૩ કિ.મી.ના અંતરે શ્રી મુંજપુર તીર્થ આવેલું છે. ગામમાં બે ઉપાશ્રય અને બે ધર્મશાળાની સુંદર સગવડ છે. અહીં પાંજરાપોળ છે. મુંજપુર તીર્થમાં મૂળનાયક તરીકે બિરાજમાન શ્રી શાંતિનાથ પ્રભુના ઘુમ્મટબંધ જિનાલયમાં મૂળનાયકની બાજુમાં (જમણી) શ્રી જોટીંગડા પાર્શ્વનાથ પ્રભુની પ્રતિમાજી બિરાજમાન છે.
મહાતીર્થ શંખેશ્વરથી ૬।। માઈલના અંતરે મુંજપુર તીર્થ પ્રાચીન અને ઐતિહાસિક મહત્તા ધરાવતું ગામ છે. સંવત ૧૦૦૩માં રાજા મુંજે આ ગામ વસાવ્યું હતું. મૂળરાજ સોલંકીએ એક પંડિતને આ ગામ દાનમાં આપ્યાનું જણાય છે. પંદરમા સૈકામાં મંજિગ નગરના મુંટ નામના ભાવિક શ્રેષ્ઠીએ ધાતુની અસંખ્ય ચોવીશીનાં બિબો ભરાવ્યાનો ઉલ્લેખ ‘સોમ સૌભાગ્ય’ કાવ્યમાં દર્શાવાયો છે. શ્રી સોમસુંદરસૂરિજીએ પ્રતિષ્ઠા કરાવી હતી. આ મુંજિગનગર તે હાલનું મુંજપુર હોવાનું માનવામાં આવે છે.
વિ.સં. ૧૫૬૯ કુતુબપુરા પક્ષીય તપાગચ્છાધિરાજ શ્રી ઇન્દ્રનંદસૂરિના ઉપદેશથી મંજિગ પુરના શ્રીસંઘે નાડલાઈના જિનાલયમાં દેવકુલિકાઓ કરાવી એવું એક શિલાલેખ દ્વારા જાણી શકાય છે.
મુંજપુરમાં ત્રણ જિનાલયો હોવાનો ઉલ્લેખ સં. ૧૬૪૮માં આ.શ્રી લલિતપ્રભસૂરિએ રચેલી ‘પાટણ ચૈત્ય પરિપાટી'માં છે. મુંજપુરમાં શ્રી જોટીંગડા પાર્શ્વનાથનું જિનાલય હોવાની નોંધ વિ.સં.૧૯૬૭માં રચાયેલા એક સ્તવનમાં છે. આજે તો જોટીંગડા
For Private and Personal Use Only
