________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
४८
ગુજરાતના જૈનતીર્થો
હરખનો પાર નહોતો. તેને થયું કે આ પ્રતિમાજી ખેતરમાં રહે તો યોગ્ય ન કહેવાય. આથી તેણે આ જિનબિંબ જૈનસંઘના હાથમાં સોંપ્યું. શ્રીસંઘે ગામની વચ્ચોવચ્ચ જિનાલયનું નિર્માણ કરાવીને તેમાં પ્રતિમાજીને ભવ્ય મહોત્સવ યોજીને પ્રતિષ્ઠિત કરાવી. આ પ્રતિમાજી તે જ શ્રી પોસીના પાર્શ્વનાથ.
મહારાજા કુમારપાળના સમયમાં નૂતન ભવ્ય જિનાલય બન્યું. ત્યાર પછી તો અનેકવાર આ જિનાલયના જીર્ણોદ્ધાર થતા રહ્યા. વિ.સં. ૧૨૦૧થી ૧૭મી સદી સુધીમાં અનેક પ્રભાવક જૈનાચાર્યો દ્વારા પ્રતિષ્ઠા મહોત્સવ થયાના ઉલ્લેખો છે. આ તીર્થનો છેલ્લો જીર્ણોદ્ધાર આ. શ્રી લબ્ધિસૂરીશ્વરજી મહારાજના ઉપદેશથી થયો. વિ.સ. ૨૦૦૮ના પોષ વદ-૬ના તેઓશ્રીના વરદ હસ્તે મૂળનાયક સહિત અન્ય જિનપ્રતિમાજીઓની પ્રતિષ્ઠા રંગેચંગે કરવામાં આવી હતી. દર વર્ષે માગસર વદ ૧૦ના રોજ ભવ્ય મહોત્સવ રચાય છે. આ દિવસે યાત્રાળુઓ મોટી સંખ્યામાં ઊમટી પડે છે. અહીં શ્રાવણ વદ ૮ના દિવસે જૈનેતરોનો મોટો મેળો ભરાય છે. આ તીર્થ અત્યંત પ્રભાવક અને પ્રાચીન છે. અનેક લોકોને આ પ્રતિમાજીનાં દર્શનથી ચમત્કાર જોવા મળ્યા છે.
શ્રી નાના પોસીના તીર્થ : શ્રી આણંદજી મંગલજીની પેઢી, શ્રી પાર્શ્વનાથ જૈન દેરાસર. મુ.પો. નાના પોસીના, તા.ઈડર, (જિ.સાબરકાંઠા) ફોન નં. (૦૨૭૭૮) ૨૬૬૩૬૭ છે. નજીકમાં વડાલી તીર્થ ૧૨ કિ.મી.ના અંતરે તથા શ્રી ઈડર તીર્થ ૨૨ કિ.મી.ના અંતરે આવેલ છે.
૪૩ :
શ્રી ખેડબ્રહ્મા તીર્થ
સાબરકાંઠા જિલ્લાના ખેડબ્રહ્મા ગામમાં શ્રમણ ભગવાન મહાવીરસ્વામીનું પ્રાચીન જૈન તીર્થ આવેલું છે. આ જિનાલય લગભગ ૫૦૦ વર્ષથી વધારે પ્રાચીન છે. આ ઉપરાંત અહીં શ્રી આદીશ્વર ભગવાનનું જિનાલય આવેલું છે. ઈડરથી નજીકનું મોટું ગામ ખેડબ્રહ્મા છે.
For Private and Personal Use Only
