Anusandhan 2007 07 SrNo 40

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 17

अनुसन्धान-४०
सम्मेए कसिणाए सावण तइयाए समणसहसजुओ । तंसि गओ लोयग्गं हत्थालंबं ममं देसु ॥८॥
सिरि वासुपुज्जणाह-श्रुत्तं सिरिवासुपुज्ज ! उज्जोइडं जयं जिट्ठ-सुद्ध-नवमीए । तं पाणयकप्पाओ चविउं चंपाइ संपत्तो ॥१॥ जाओ वसुपुज्ज-जयाण फग्गुणे कसिण-चउद्दसीइ तुमं । महिसंक- रत्तवन्नो सत्तरिधणुमाण गयमाण ॥२॥ अट्ठारसयसहस्सा वासा कुमरोसि तं चउत्थेणं । फग्गुण-अमावसाए विहारगेहम्मि नीहरिओ ॥३॥ छहिं निवसएहि सहिओ बीयदिणे पायसं सुनंदाओ । पत्तोसि वासमेगं छउमत्थो विहरिओ नाह ! ॥४॥ माहे सिय-बीयाए विहारगेहम्मि पत्तनाणेणं । छावट्ठी लोयहिया विहिया गणहारिणा तुमए ॥५॥ बावत्तरी सहस्सा मुणीण अज्जाउ लक्खमेगं तु । तुह भत्ता य कुमारो पयंड-देवी दुविठ्ठ हरी ॥६॥ चउपन्न-वास-लक्खो वयम्मि बावत्तरी तुह(हा)उम्मि । चउपन्न सागरे हिं गएहिं से यंस-नाहाओ ॥७।। छहिं साहुसएहिं समं आसाढ-चउद्दसीइ सुद्धाए । चंपाइ तंसि संपत्तसिवसुहो सिवसुहं देसु ॥८॥
सिरि विमलणाह-थुत्तं विमलजिणिंद ! सुरिंदेहिं तंसि महिओ महीइ इंतो वि। वइसाह-सुद्ध-बारसि विमुक्कसहसार गुणसार ॥१॥ कंपिल्लपुरे जाओ नाह ! तुमं माह-सुद्ध-तइयाए । सामा-कयवम्म-सुओ सट्ठिधणुच्चो वराहजुओ ॥२॥