Agam 43 Mool 04 Uttaradhyayan Sutra Shwetambar

Author(s): Sudharmaswami, Purnachandrasagar
Publisher: Jainanand Pustakalay

Page 69

Acharya Shri Kailashsagarsuri Gyanmandir
अइगया बारगाउरिं ॥ ९ ॥ सोऊण रायकन्ना, पव्वज्जं सा जिणस्स उ । णीहासा उ निराणंदा, सोगेण उ समुच्छिया ॥ ८१० ॥ राईमई विचिंतेड़, धिरत्थं मम जीवियं । जाऽहं तेणं परिचत्ता सेयं पव्वइउं मम ॥१॥ अह सा भमरसंनिभे, कुच्चपणगप्पसाहिए। सयमेव लुंचई केसे, धिइमंती ववस्सिया ॥२॥ वासुदेवो अ णं भणड़, लुत्तकेसिं जिइंदियं । संसारसागरं घोरं, तर कन्ने ! लहुं लहं ॥ ३ ॥ सा पव्वइया संती, पव्वावेसी तहिं बहु । सयणं परियणं चेव, सीलवंता बहुस्सुआ ॥४॥ गिरिं रेवययं जंती, वासेणोल्ला उ अंतरा । वासंते अंध्यारंमि, अंतो लयणस्स सा ठिया ॥ ५ ॥ चीवराणि विसारंती, जहा जायत्ति पासिया। रहनेमी भग्गचित्तो, पच्छा दिट्ठो अ तीइवि ॥६॥ भीया य सा तहिं दठ्ठे, एगंते संजयं तयं। बाहाहिं काउ संगुप्कं, वेवमाणी निसीयई ॥७॥ अह सोऽवि रायपुत्तो, समुद्दविजयंगओ । भीयं पवेविरं ददठ्ठे, इमं वक्कमुदाहरे ॥८ ॥ रहनेमी अहं भद्दे !, सुरूवे ! चारुभासिणी! ममं भयाहि सुअणु!, न ते पीला भविस्सई ॥९ ॥ एहि ता भुंजिमो भोगे, माणुस्सं खु सुदुल्लहं । भुत्तभोगा पुणो पंच्छा, जिणमग्गं चरिस्सिमो ॥८२० ॥ दट्ठूण रहनेमिं तं भग्गुज्जोयपराइयं । राईमई असंभंता, अप्पाणं संवरे तहिं ॥१॥ अह सा रायवरकन्ना, सुट्टिया नियमव्वएं। जाई कुलं च सीलं च, रक्खमाणी तयं वदे ॥२॥ जइऽसि रूवेण वेसमणो, ललिएण नलकूबरो। तहावि ते न इच्छामि, जइऽसि सक्खं पुरंदरो ॥३ ॥ धिरत्यु ते जसोकामी!, जो तं जीवियकारणा। वतं इच्छसि आवेउ, से यं ते मरणं भवे ॥४॥ अहं च भोगरायस्स, तं चसि अंधगवण्हिणो । मा कुले गन्धणा होमो, संजमं निहुओ चर ॥५॥ जड़ तं काहिसि भावं, जा जा दिच्छसि नारिओ | वायाविद्धव्व हडो, अट्ठिीअप्पा ॥ श्रीउत्तराध्ययनसूत्रं ॥
पू. सागरजी म. संशोधित
५९
For Private And Personal