Agam 39 Mahanisiham Chattham Cheyasuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 4

अज्झयणं-१, उद्देसो
[११] जे यावाय-हियं कुज्जा कत्थई पारलोइयं ।
मायाडंभेण तस्सावी सयमवी तं न भावए ।। [१२] आया सयमेव अत्ताणं निउणं जाणे जहट्ठियं ।
आया चेव दुपत्तिज्जे धम्ममवि य अत्त-सक्खियं ।। जं जस्सानुमयं हियए सो तं ठावेइ सुंदर-पएसु ।
सद्दूली निय-तणए तारिसकूरे वि मन्नइ विसिढे ।। [१४] अत्तत्तीया समेच्चा सयल कप्पयंतऽप्पणप्पं पाणिणो |
दुटुं वइ-काय-चेलु मणसिय-कलुसं जुजयंते चरंते ।। निघोसं तं च सिढे ववगय-कलुसे पक्खवायं विमुच्चा ।
विक्खंतऽच्चंतपावे कलुसिय-हिययं दोस-जालेहिं नद्धं ।। [१५] परमत्थ तत्त सिहं सब्भूयत्थ पसाहगं ।
तब्भणियानुट्ठाणेणं जे आया रंजए सकं || [१६] तेसुत्तमं भवे धम्म उत्तमा तय-संपया |
उत्तमं सील-चारित्तं उत्तमा य गती भवे ।। [१७] अत्थेगे गोयमा ! पाणी जे एरिसमवि कोडिं गते ।
ससल्ले चरती धम्म आयहियं नावबुज्झइ ।। ससल्लो जइ वि कदुग्गं घोर-वीर-तवं चरे । दिव्वं वाससहस्सं पि ततो वी तं तस्स निप्फलं ।। सल्लं पि भन्नई पावं जं नालोइय-निंदियं ।
न गरहियं न पच्छित्तं कयं जं जह य भाणियं ।। [२०] माया-डंभमकत्तव्वं महापच्छन्न-पावया ।
अयज्ज-मनायारं च सल्लं कम्मट्ठ-संगहो || [२१] असंजम-अहम्मं च निस्सील-व्वतता वि य ।
सकुलसत्तमसुद्धी य स्कयनासो तहेव य ।। [२२] दुग्गइ-गमन-मनुत्तारं दुक्खे सारीर-मानसे |
अव्वोच्छिन्ने य संसारे विग्गोवणया महंतिया ।। [२३] केसं विरूव-रूवत्तं दारिदं-दोहग्गया ।
हा हा भूयसवेयणा परिभूयं च जीवियं ।। [२४] निग्घिण-नित्तिंस-कूरत्तं निद्दय-निक्किवयावि य ।
निल्लज्ज-गूढहियत्तं वंक-विवरीय-चित्तया ।। [२५] रागो दोसो य मोहो य मिच्छत्तं घन-चिक्कणं । सम्मग्गनासो तह य एगे
जस्सित्तमेव य ।। [२६] आणा-भंगमबोही य ससल्लत्ता य भवे भवे ।
एमादी पाव-सल्लस्स नामे एगट्ठिए बह ।।
दीपरत्नसागर संशोधितः]
[3]
[३९-महानिसीह