Vasudevhindi Part 2

Author(s): Sanghdas Gani, Chaturvijay, Punyavijay
Publisher: Atmanand Jain Sabha

Page 8

२०४
वसुदेवहिंडी
[ वसुदेवस परमाए
कमेण य पत्तो मि रायभवणं सुकयतोरण-वणमालं । कयऽग्वपूओ उत्तिष्णो गयाओ, विमाणोचमं भवणमतिगतो, परिजणेण रायणो णयणमालाहिं परितोसविसप्पियाहिं दिस्समाणो । कयपायसोओ य सिणेहधारणीयवत्थपरिहिओ कुसलाहिं चेडीहिं अब्भंगिओ सुगंधिणा तेल्लेण, उल्लोलिओ य । मज्जणगेहं गतो य मंगलेहिं ण्हविओ । पवरवत्थपरिहिओ 5 य भोयणमंडवे सुहासीणो कणगमयभायणोवणीयं सादुरसं भोयणं भुंजिऊणं । भणति य मं पडिहारी - देव ! सुह, अहं सामिणो अभग्गसेणस्स दुहिया पउमा नाम परमवणवियरणसमूसिया सिरी विव रूवरिसणी, लक्खणपाढगपसंसिय मुह- नयण-नासो-होड-पयोहर-कर किसलय-मज्झदेस - जहणोरुजुयल-जंघा चलणकमलारविंदा, सरस्सई विव परममहुरवयणा, गतीय हंसगमणहासिणी. तं च तुभं राया अवस्सं देहि त्ति । मया भणिया - किह 10 जाणसि तुमं एयं वृत्तंतं ? ति । सा भणति - अज्ज राया देविसमीवे परिकहंतो मया सुओ तुभं गुणपवित्थरं भणिया य णेण सिरिमती देवी - पिए! पडमाए अज्ज भत्ता लद्धो, जो देवलोए वि दुल्लहो होज्ज, किमंग पुण माणुसेसु ? ततो देवीए पुच्छिओ - सामि ! कहिं सो ? केरिसोव ? त्ति सो भणति - इहेव आगतो अम्ह भागधेज्जचोइओ. कहिओ य मे पुवं कोहलिएण जणेण गतो य मि अज्जं तस्स समीवं. दिट्ठो य मया जणदिट्ठीपरिभुज्ज माणसोभो, 15 मउडभायणायवत्तसंठिउत्तमंगो, छच्चलणंजणसवण्णकुंचियपया हिणावत्तणिद्ध सिरओ, सारदगहबतिसम्मत्तसोम्मतरवयणचंदो, चंदद्धोवमनिडालपट्टो, रविकर परिलीढपुंडरीयक्खणो, सुनासो, सुरगोवग-सिल-प्पवालरत्ताधरोट्ठपट्ठो, पण्णगनिल्ला लियग्ग किसलय सवण्णजीहो, कमलब्भंतरनिवेसियकुंदमुकुलमालासरिच्छदसणो, कुंडलवि लिहिज्जर मणिज्जसवणो, महाहणू, तिलेहापरिगयकंबुकंधरो, पवरमणिसिलातलोवम विसालवच्छो, सुसिलिट्ठपट्ठसंधि, पुरफ20 लिहदीहरभुओ, उवचियैसातञ्चलक्खणोक्किण्णपाणिकुवलो, मणहरतर रोमराइरंजियकरग्गगेज्झमज्झदेसो, पविकसमाणपउमाहनांभी, आइण्णतुरगवट्टियकडी, करिकरसमरम्मथिरतरोरू,
गूढजाणू, एणयजंघो, ससंख-चक्का ऽऽयवत्तलं छियकोमलकुम्मोव माणचलणो, दप्पियवर - वसहल लियगमणो, सुइसुभग - महत्य - रिभितवाणी, सयलमहीतलपालणारिहो. तं न मे खमं कालहरणं. कल्लं पाणिग्रहणं कुमारीय पउमावईए मे रोयइ त्ति देवीय भणियं25 सामि ! जइ तुब्भे अविण्णायकुल-वंसो वरो वरितो कुमारीए पउमावतीए, तो नेमित्ती वि पमाणं कीरति सो भणइ - देवि ! मा भण 'अविण्णायकुल- वंसो' त्ति. सूरो घणपलच्छाइयरस्सी वि य पउमाकरबोद्देण सूइज्जति उग्गतो त्ति, तहा उत्तमो वि जणो चेट्ठिएण णज्जइ, किं पुर्ण इह संखेवो - जइ न देवो तो धुवं विज्जाहरो पहाणधरणिगोयर रायवंसोब्भवो वा. गयं च आरूढस्स से कओ जयसहो कोकहलिएण य जणेण को य निहिं 80 दहूण नेमित्तिं पुच्छति तस्साऽऽदाणे ?, तं पसन्नमणसा होहि उत्तमवरसंपत्तिकल्लाणं
१ 'सबहुलं विस' शां० विना ॥ २ 'नासोह° उ २ मे० ॥ ३ 'यसलक्ख' शां० विना ॥ ४ णिजुव० शां० कसं० वासं० ॥ ५ 'नाभो ली ३ विना ॥ ६ण अह शां० विना ॥ ७ पत्ती कण्णाणं कल्ला शां० विना ॥