Book Title: Varshitap Rahasya Yatra Author(s): Priyam Publisher: Ashapuran Parshwanath Jain Gyanbhandar View full book textPage 4
________________ હોય, તેઓ તેમની સાથે આવી શકે છે, જેમની પાસે સામગ્રી નહીં હોય, તેમને તે સામગ્રી આપશે. જેમની પાસે વાહન નહીં હોય, તેમને વાહન આપશે. જેમના કોઈ સાથીદાર નહીં હોય, તેમને સાથીદાર આપશે ને જેમની પાસે ભાથું નહીં હોય, તેમને તે ભાથું પણ આપશે. રસ્તામાં ચોરોનો કે જંગલી જાનવરોનો ઉપદ્રવ થાય તો એમનાથી પણ તે બચાવશે, ને જેઓ અશક્ત હશે એમને પણ પોતાના ભાઈની જેમ સાચવશે...” पालयिष्यत्यसौ मन्दान् सहगान् बान्धवानिव ॥१-१-४८ ॥ આ છે તપ.... ઔદાર્ય. “વર્ષીતપનો અર્થ આપણા મનમાં – “એક ઉત્કૃષ્ટ તપ” છે. આપણને પ્રાયઃ ખબર નથી પણ હકીકતમાં ઔદાર્ય પણ એક ઉત્કૃષ્ટ તપ” છે. That means... For our understanding ઔદાર્ય પણ વર્ષીતપ છે. A = B, C = B, . A = C. કોઈ લાઈનમાં ઘુસણખોરી કે ધક્કામુક્કી કરવાને બદલે જાતે જ છેલ્લા નંબરને પસંદ કરી લઈએ તો એ વર્ષીતપ છે. ધંધા વગેરેમાં બીજાને પછાડીને ખુશ થવાને બદલે બીજાને ચડાવીને રાજી થઈએ તો એ વર્ષીતપ છે. ભાવતી વસ્તુ ખાઈ જવાના બદલે બીજાને ખવડાવવાનો આનંદ માણીએ તો એ વર્ષીતપ છે. સંપત્તિના ભાગલામાં સૌથી નાના ભાગની જ અપેક્ષા રાખીએ તો એ વર્ષીતપ છે. અનુકૂળ બેઠક બીજા માટે ખાલી રાખીને આપણે પ્રતિકૂળ બેઠકે બેસી જઈએ તો એ વર્ષીતપ છે. આપણે કરેલા કામનો યશ સહજતાથી બીજાને આપી શકીએ તો એ વર્ષીતપ છે. કોઈ જરૂરિયાતવાળું હોય, ને આપણે આપણા ખિસ્સા ખાલી કરી દીધા વિના રહી જ ન શકીએ, તો એ વર્ષીતપ છે. આપણી સારામાં સારી વસ્તુ સારામાં સારી સહજતાથી બીજાને આપી શકીએ તો એ વર્ષીતપ છે. કોઈ જ જવાબદારી ન હોવા છતાં “પાર્થ” ખુદ આપણને જવાબદારી લાગે તો એ વર્ષીતપ છે. ધન સાર્થવાહની આ ઔદાર્ય-સંવેદનાને નજર સામે તો લાવો નખશિખ તપોમૂર્તિના દર્શન થશે. ભોજનના ટંકો છોડવા હજી કદાચ સહેલા છે, ભાવની તુચ્છતા છોડવી ઘણી અઘરી છે. આપણા વર્ષીતપમાં ઔદાર્ય ન ઔદાર્ય વર્ષીતપ,Page Navigation
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36
