________________
(65)
(ઉપમિતિ ભવપ્રપંચા કથા છતાં લોકો મહામોહને વશ થઈ, વસ્તુતત્ત્વનો વિચાર કરતા નથી અને ખાલી હાથે આવ્યા હોય તેમ ખાલી હાથે ચાલ્યા જાય છે.
મહાત્માઓનો અમોઘ ઉપદેશ, સત્તામાં સૂતી પડેલી આત્માની અનંત શક્તિને જાગ્રત કરે છે. તેમ છતાં સૂર્યનો પ્રકાશ જેમ ઘુવડને અંધકારમાંથી બહાર કાઢી શકતો નથી (ઘુવડની આંખો બંધ હોય છે). તેમ વામદેવને પણ બોધ સાંભળવાના ઘણા પ્રસંગ મળ્યા. પણ તેના અંતરનાં દ્વાર બંધ હોવાથી, કાન ઉઘાડા હોવા છતાં ગુરુદેવના શબ્દો તેના હૃદયમાં પ્રવેશ કરીને તેની સૂતેલી આત્મશક્તિને જાગ્રતા કરી શક્યા નહિ. વામદેવ જરા પણ સુધર્યો નહિ. ઊલટાનું તેના મનમાં એવા વિચારો આવવા માંડ્યા કે વિમળકુમાર દીક્ષા લેવાનો છે તો મને પણ ખેંચીને લેવડાવશે. આમ વિચારી તે નાસી જાય છે.
વિમળકુમારને તે વામદેવને આ ધાર્મિક માર્ગમાં યોજવા ખૂબ તપાસ કરે છે. સંત પુરુષોની દયા અપાર હોય છે છતાં દુર્ભાગી જીવો તેનો લાભ લઈ શકતા નથી. કુમાર ગુરુદેવને પૂછે છે કે કેમ વામદેવનો પત્તો લાગતો નથી? તે ક્યાં હશે? આચાર્યદેવ કહે છે કે તું દીક્ષા અપાવી દઈશ તેવા ભયથી તે નાસી ગયો છે. વિમળકુમારે પૂછ્યું કે તે ભવ્ય જીવ છે કે અભવ્ય જીવ? આચાર્યદેવ કહે છે કે તે ભવ્ય જીવ છે પણ અત્યારે સ્તેય અને માયાથી લપેટાયેલો છે. તેથી તે આપણને ધુતારા સમજે છે. કમળો થયો હોય તેને પીળું જ દેખાય. તેમ માયાવી અને લુચ્ચો બીજાને પણ તેમના જેવા જ સમજે છે.
વિશદમાનસ નગરના શુભાભિસન્ધિ રાજાને નિર્મળ આચારવાળી શુદ્ધતા અને પાપભીરુતા નામની બે રાણીઓ છે. તેમણે બે કન્યાઓને જન્મ આપ્યો છે. એકનું નામ ઋજુતા અને બીજીનું નામ અચૌર્યતા ' છે. તેને કોઈ પણ પ્રકારની સ્પૃહા નથી. સારા પુરુષોને તે વહાલી લાગે છે. જ્યારે તમારો મિત્ર આ બે કન્યાઓ સાથે લગ્ન કરશે ત્યારે કપટ અને ચોરી ભાગી જશે. બે વિરોધી સ્વભાવના હોવાથી
