________________
ઉપમિતિ ભવપ્રપંચા કથા
85
ગુરુદેવપૂજા મૂકી દીધી, સદાગમ પાસે જવાનું બંધ કર્યું અને ધનનો સંગ્રહ કરવા માંડ્યો.
કોઈવદાચાર્ય સાથે અકલંક મુનિ ત્યાં આવી ચઢ્યા. મન વગર માત્ર દાક્ષિણ્યથી ધનવાહન વાંદવા ગયો. પ્રસંગ જોઈને અકલંકની વિનંતી સ્વીકારી કોઈવદાચાર્યએ સદાગમનું મહાત્મ્ય અને દુર્જનસંગતિના
પરિણામ જણાવ્યા.
તેની વિસ્તારપૂર્વક વાર્તા કહી આચાર્યે સદાગમ સાથે સંબંધ વધારવા ભલામણ કરી. ધનવાહને ઉપર ઉપરથી સદાગમનું સાન્નિધ્ય સ્વીકાર્યું. અકલંક અન્યત્ર વિહાર કરી ગયા.
અકલંક દૂર ગયા એટલે પાછા મહામોહ અને મહાપરિગ્રહ જાગ્રત થઈ ગયા અને મહામોહને સપાટામાં લીધો. એ સ્ત્રીઓ વચ્ચે રમવા માંડ્યો અને પૈસાનો સંગ્રહ કરવા માંડ્યો. સર્વ પાપોમાં એક્કો થયો. મદનસુંદરી શૂળના વ્યાધિથી મરણ પામી એટલે શોકના તાબામાં પડ્યો. વળી પાછા અકલંક મુનિ દયાભાવે આવ્યા અને તેને શોકમુક્ત કર્યો. શોક જરા દૂર ખસ્યો એટલે મહામોહનું સૈન્ય પાછું સવાર થઈ ગયું. બહુલિકા અસરથી ધનવાહને અકલંક મુનિને વિહાર કરાવી દીધો. અને પાછા સાગરની મદદથી પરિગ્રહનો પગ મજબૂત થયો.
આ બધું જાણી દયાભાવથી અકલંક પાછા આવવા તૈયાર થયા. ગુરુએ નિરર્થક કાર્યમાં પ્રવૃત્તિ કરવાની ના પાડી. એટલે અકલંક મુનિ પોતાના અભ્યાસમાં લાગી ગયા. અકલંક ચિંતા વગરના થયા અને બીજી બાજુ મહામોહે આકરી બાજી માંડી. પોતાના પ્રત્યેક સૈનિકનો ઉપયોગ કર્યો અને દરેકે ધનવાહન પર અસર કરી. આ રીતે મહામૂઢતા, મિથ્યાદર્શન, કુદૃષ્ટિ, રાગકેસરી, મૂઢતા દ્વેષ ગજેન્દ્ર, અવિવેકતા, વિષયાભિલાષ સાતેય જ્ઞાનસંવરાદિ રાજાઓ દુષ્ટભિસંધિ વગેરે સર્વ વારાફરતી આવી ગયા અને રખડી મહાવેદના ભોગવતા મરણ પામ્યો અને નરકમાં
ગયા.
