Updeshpad Mahagranth Satik Part 02

Author(s): Jinendrasuri,
Publisher: Harshpushpamrut Jain Granthmala

Page 425

।।८३१।८
तत्थ
पैच्छंता य किलिकिलंतकइकुलालंकियाई, देवकुलाई, घोरं घोरखग्धाई घोरयराई घराई, नवंगभुयंगकंचुयाई तोरणाई, गओ रायमंदिरं । तत्थवि य अपेच्छता मणुस्मरूवं रम्यावलेायणवाउलो समारूढो सत्तमभूमितलं । पेच्छइ य कुंकुमरायपिंजरियसरीरं कप्पूररेणुधवलिउत्तमंगं सुरहिकुसुममालुम्मालिय सरलगीवं गुरुलाहनियल संदामियचारुचरणं करहजुवइजुयलं । तओ कहमेत्थ सुन्ननयरे करहीओ, कहं वा एत्थारूढाओ सोवभोगसरीराओ च त्ति वियता पेच्छ गवक्खसंठियं समुग्गयदुगं । तत्थवि एगत्थ धवलमंजणं, इयरम्मि कसिणं सलागादंसणओ जागंजणमिणंति कयनिच्छओ । नियच्छs धवलियपम्हलाई करहीलोयणाई । ततो णूणं माणुसीओ एयाओ धवलंजणेण करहीओ कयाओ, संभवइ य कयाइ कसिणेण य पयइभावा एयासि ति पाउन्भूयमइप्पसरेण अंजियाई कण्हंजणेण तयच्छीणि सुमित्तेण । ताहे ठियाओ पयइरूवाओ । तरुणमणीओ । कुशलं तुम्हाणंति ससिणेहमालत्ताहि भणियं ताहि संभवइ कुशल संपयं तुम्हाणुभावेण । को पुण एस असंभावणिज्जवइयरो तुम्हंति पुच्छियाहि ताहि साहिओ निययवृत्तंता;
किर अस्थि इओ उत्तरदिसाए गंगाए महाणईए परकूले संनिहियसयलभद्दे सुभद्दे नयरे अणिदिय कि वो गंगाइचो नाम पहाणसेट्ठी । तस्स य सयलकुलंगणागुणाहाराए वसुहाराए घरिणीए नीसेसगुणसंपउत्ताणमदृण्ह पुत्ताणमुवरि संभूयाओ अम्हे जयविजया भिहाणाओ जमलधूयाओ जणणीजणयमणोरहेहिं सद्धि पवद्रुमाणीओ जोयणर्णारिंदरायहाणी । तत्थेव गंगासणे वणसंडे नियकिरिया सुट्ठिओ पियाभासी पत्यावकहाणगाइनिउणो किंचि निमित्तविजयकुसलो दंसणीओ पयासियमज्झत्थभावो बहुजणसंमओ सुसम्मो नाम परिव्वायगो होत्था । सा य एगया अम्ह पिउणा
||८३१||