Updeshpad Mahagranth Satik Part 02

Author(s): Jinendrasuri,
Publisher: Harshpushpamrut Jain Granthmala

Page 433

11८३९॥
स्समिओ नराहिवो । लद्धरयणेण पउणीकया रइसेणा। सा य विनायजणणिचरिया जाया एतरत्ता सुमित्ते। दिट्रप्पभावा य समणुकलीभूया वडा। तओ समप्पिया तीए तस्स घरसारा दारिया । एवं जाया सव्वेसि निव्वुई। अन्नदिणे नरवईणा वुत्तो मित्तो-वयंस ! मं मोत्तुं कत्थ गओ सि, किमत्थं, सुहदुक्खं किं च पत्तो सि, कहसु य पुवुद्दिटुं मणिजुगलयलाभवइयरं तुरियं, कोऊहलविरहेहिं चिरमाउलियं मणो मज्झ । तओ सुमित्तण साहिओ जहट्ठिओ मणिलाभवइयरो। तहा किर मम मित्तो सुकयफलमणुभवंता जाव सुहं चिट्ठइ तावाहंपि एयाणभावलद्धण इमिणा चिंतामणिणा विलसंतो मित्तमुहं च पइदिणमवलायंता इहेव इच्छाचारसुहमणुभवामि किंचिकालंति कयसंपहारो गणियागिहे ठिओ म्हि, पुणो वि कुट्टणीवंचणाओ देसंतरं गओ म्हि इचाइसंजोगावसाणो साहिओ सव्ववइयरोत्ति । एयमायण्णिऊण्ण विम्हिएण भणियं नराहिवेण-सुठ ते ववसायसारया, सव्वंहा सच्चमेयं ;-विणयाओ गुरुपणआ ववसायाओ मणिच्छिया लच्छी । पच्छा उ आरोग्गं सग्गा मोक्खावि धम्माओ ॥१॥" सुमित्तेण भणियं-देव! किं ववसाएणं, पुन्नमेव पहाणं जं ववसायं विणा सुहमावहइ, जेण य विणा ववसाओ बज्झरुक्ख इव निष्फलो चेव हवई। भणियं च"जं दुल्लह जं जिदूरि दुग्गमि संचिउ जं परवसु चिरकाल सजु दुजणिहिं अहिट्ठिउ तं सुहु चितियमेत्तु जेण य लीलई संपज्जइ पव्वजिउ धम्मलेसु सुसहिजउ चिट्ठइ ॥शा" पुन्नब्भहिओ य देवो, जस्स लीलाइ ललियंगणा इव सयमुवागया एसा रायलच्छी अन्नं च जदि देवो चित्तं करेइ, ता तंपि महापुरं वसाविय समंडलमज्झे पवेसेई । एमाइ परोप्परं वन्नमाणाणमगाहसुहसायरम्मि बुडमाणाण ताण कालो वचइ। .
॥८३९