Tarak Tattvagyan

Author(s): Meghdarshanvijay
Publisher: Akhil Bharatiya Sanskrutirakshak Dal

Page 7

થઈ શકે !!!
પણ કોઈ કહે કે, કાયમ માટે તો હું આ પાપોનો ત્યાગ કરી શકું તેમ નથી. શું કોઈ એવી જીવનપદ્ધતિ છે કે જેના દ્વારા આ પાંચેય પાપોનો સંપૂર્ણ ત્યાગ હું મર્યાદિત દિવસો-કલાકો માટે કરી શકું?
અન્ય ધર્મો પાસે આનો પણ કોઈ ઉપાય નથી. તેઓ પાપોનો ત્યાગ કરવાનું જણાવે છે પણ ત્યાગ કરીને શી રીતે જીવન જીવવું તે બતાડી શકતા નથી. જૈનધર્મ કહે છે કે જો તારી તાકાત સાધુજીવન સ્વીકારવાની-પાળવાની ન હોય તો તું તારી અનુકૂળતા મુજબ પૌષધવ્રત સ્વીકાર. જે દિવસે તું પૌષધનું જીવન જીવીશ તે દિવસે આ પાંચે ય પાપોનો ત્યાગ આપોઆપ થઈ જશે. ' અરે ! તારી પાસે આખા દિવસની ય અનુકૂળતા ન હોય તોય તું આ પાંચે પાપો વિનાના જીવનની થોડા સમય માટે પણ અનુભૂતિ કરી શકે છે. અમારી પાસે તો અમારા સિદ્ધાન્તોનો અમલ કરાવવાની વ્યવહારિક પ્રક્રિયાઓ પણ છે. માત્ર ૪૮ મિનિટનું સામાયિક કર ને ! ૪૮ મિનિટ સુધી બધા પાપો બંધ થઈ જશે. પાયાના પાંચે સિદ્ધાંતોનો અમલ થઈ જશે. તેટલો સમય પાંચે પાપોમાંથી છૂટકારો મળી જશે !
આપણને કેટલો બધો વ્યવહારું, અમલમાં મૂકી શકાય તેવો ધર્મ મળ્યો છે, તે વાત હવે બરોબર સમજાઈ ગઈ હશે.
મહાનું વૈજ્ઞાનિક સર જગદીશચન્દ્ર બોઝે તો થોડા વર્ષો પહેલાં વનસ્પતિમાં જીવ છે, તેવું સાબિત કર્યું. તો શું તે પહેલાં વનસ્પતિમાં જીવ નહોતો? હતો તો ખરો; પણ વૈજ્ઞાનિકોને ખબર નહોતી. પરંતુ આપણને જાણીને કદાચ નવાઈ લાગશે કે ૨પ૦૦ વર્ષ પહેલાં થયેલાં ભગવાન મહાવીરદેવે પણ વનસ્પતિમાં જીવ છે, તેવું જણાવેલ. અરે ! તેમની પહેલાં થયેલાં અનંતાનંત તીર્થકરોએ પણ તે વાત જણાવેલ છે. જૈન ધર્મની તમામ વાતો વૈજ્ઞાનિક છે. સો ટચના સોના જેવી છે. જૈન ધર્મમાં બે સૂર્ય, બે ચન્દ્ર, ધર્માસ્તિકાય, છો આરો, પૃથ્વી-વનસ્પતિમાં જીવ વગેરે જે જે વાતો આવે છે તેમાંની ઘણી બધી વાતો આજના વિજ્ઞાને પણ સાબીત કરી છે, અને જો વિજ્ઞાન સત્યનું અન્વેષી હશે, તો ભાવિના કાળમાં તેણે જૈનધર્મની તમામ વાતો સ્વીકાર્યા વિના નહિ જ ચાલે; તે નક્કી છે.
આવા મહાન જૈન ધર્મને જાણ્યા પછી, જેઓ જન્મથી જૈનધર્મ પામ્યા નથી, તેઓ જૈનધર્મમાં જન્મ લેવાનું ઈચ્છે છે. તે માટે તેઓ તલસે છે. મહાત્મા ગાંધીજીના પુત્ર દેવદાસગાંધીએ મહાન તત્ત્વચિંતક બર્નાડશોને સવાલ પૂછાવેલ કે, “તમે પુનર્જન્મમાં માનો છો કે નહિ? જો માનતા હો તો આવતાભવમાં તમે ક્યાં જન્મ લેવાને ઈચ્છો છો ?"
આપણને સૌને આનંદ થાય તેવો તેમનો જવાબ હતો. તેમણે પત્રના જવાબમાં જણાવેલ કે, “હું પુનર્જન્મમાં માનુ છું. અને જો ખરેખર પુનર્જન્મ હોય તો મારી ઈચ્છા