Tarak Tattvagyan

Author(s): Meghdarshanvijay
Publisher: Akhil Bharatiya Sanskrutirakshak Dal

Page 6

( સર્વીકૃષ્ટ ધર્મ ) સાંભળ્યું છે કે, થોડાક વર્ષો પહેલાં ઈન્ડોનેશીયા દેશમાં સર્વ ધર્મ પરિષદ ભરાઈ હતી. તે પરિષદના એજન્ડાનો મુખ્ય મુદ્દો એ હતો કે, “which is the most practical and most scientific religion in the world? સમગ્ર વિશ્વમાં સૌથી વધારે પ્રયોગાત્મક (વ્યવહારું) અને વૈજ્ઞાનિક ધર્મ ક્યો?
ઘણા દિવસો સુધી જુદા જુદા ધર્મના તત્ત્વચિંતકોએ આ બાબતમાં વિચારણા કરી. જુદા જુદા ધર્મશાસ્ત્રોનો તેમણે જુદા જુદા અનેક દૃષ્ટિકોણથી અભ્યાસ કર્યો. પરસ્પર વિચાર વિમર્શ કર્યો. અને છેલ્લે તેમણે પોતાનો નિર્ણય જાહેર કરતાં જણાવ્યું 3, Jainism is the most practical and most scientific religion in the world. સમગ્ર વિશ્વમાં સૌથી વધારે પ્રયોગાત્મક વ્યવહારુ અને વૈજ્ઞાનિક ધર્મ જે કોઈ હોય તો તે જૈન ધર્મ છે.
આપણે બધા મહાપુણ્યશાળી છીએ કે આપણને આવો શ્રેષ્ઠ ધર્મ જન્મથી પ્રાપ્ત થયો છે. વિશ્વના તત્ત્વચિંતકો જેના વખાણ કરતાં થાકતા નથી, તે જૈનધર્મને પ્રાપ્ત કર્યા પછી આપણા હૃદયમાં પણ ગૌરવ પેદા થવું જોઈએ. મળેલા જૈન ધર્મની વિશેષતાઓને જીવનમાં અપનાવવાનો પ્રયત્ન કરવાનો ઉલ્લાસ પેદા થવો જોઈએ.
વિશ્વના મોટા ભાગના ધર્મો જણાવે છે કે હિંસા ન કરવી જોઈએ, અસત્ય ન બોલવું જોઈએ, ચોરી ન કરવી જોઈએ, મૈથુન ન સેવવું જોઈએ, પરિગ્રહ ન રાખવો જોઈએ. ખુબ જ સુંદર મજાની આ પાંચ વાતો છે. હવે આ પાંચેય વાતોને જીવનમાં શી રીતે અપનાવી શકાય? તેનો બરોબર અમલ કઈ રીતે કરી શકાય? તે અમલ કરવામાં આવતી મુશ્કેલીઓનો ઉપાય શો? તેવા સવાલોનો જવાબ કોઈ ધર્મ પાસે નથી. બધા ધર્મો આદર્શો જણાવે છે, પણ તે આદર્શોને અમલ કરવાનું સચોટ માર્ગદર્શન આપતાં નથી. પછી તેનો અમલ શી રીતે થઈ શકે?
પણ આપણને જાણીને આશ્ચર્ય સાથે આનંદ થશે કે આપણને મળેલા જૈન ધર્મના શાસ્ત્રોમાં માત્ર આ પાંચ આદર્શોને જ નથી જણાવ્યા, પણ તેનો વ્યવસ્થિત અમલ કરવાનું સુંદર સચોટ માર્ગદર્શન પણ વિગતવાર આપવામાં આવ્યું છે.
કોઈ કહે કે મારે આ પાંચેય આદર્શોને કાયમ માટે આ માનવજીવનમાં ચરિતાર્થ કરવા છે તો હું શું કરું? છે કોઈ ઉપાય? જૈન ધર્મ કહેશે કે દિક્ષા લઈને સાધુજીવન સ્વીકારી લે. કાયમ માટે હિંસા, જૂઠ, ચોરી, મૈથુન, પરિગ્રહ વિનાનું જીવન તું જીવી શકશે. આપણો ધર્મ તો વ્યવહારું છે. અમલ થઈ શકે તેવો છે. બીજા કોઈ ધર્મે એવી જીવનપદ્ધતિ હજુ સુધી જણાવેલ નથી કે જે જીવવાથી આ પાંચેય પાપોનો સંપૂર્ણ ત્યાગ