Tarak Tattvagyan

Author(s): Meghdarshanvijay
Publisher: Akhil Bharatiya Sanskrutirakshak Dal

Page 4

આ પ્રકાશકીય ઘૂઘવાટ કરી રહ્યો છે જિનાગમરૂપી મહાસાગર તેના પેટાળમાં છે સુંદર મજાના દેદીપ્યમાન તત્ત્વજ્ઞાન રૂપી મોતીઓ.
માનવજીવનને સફળ બનાવવા માટે અત્યંત જરૂરી આ તત્ત્વજ્ઞાન રૂપી મોતીઓને ઘેર ઘેર પહોંચાડવા માટે પૂજ્યપાદ પં. શ્રી ચંદ્રશેખરવિજયજી મ.સા.ની પ્રેરણા અને પૂજ્ય મુનિશ્રી મેઘદર્શનવિજયજી મ. સાહેબના માર્ગદર્શન પ્રમાણે અમે ઘેર બેઠાં તત્ત્વજ્ઞાન” માસિકનું આયોજન શરૂ કરેલ છે.
અમારી ધારણા કરતાં પણ અમને ઘણો વધારો રીસપોન્સ મળ્યો. પૂજયશ્રી દ્વારા અત્યંત સરળ ભાષામાં પીરસાતાં તત્ત્વજ્ઞાનનાં ગહન વિષયોનું જ્ઞાન મેળવીને અનેક આત્માઓનું જીવનપરિવર્તન થયું.
વાચકોએ જ “ઘેર બેઠા તત્ત્વજ્ઞાન” નો એટલો બધો પ્રચાર કર્યો કે જેથી તેના જુના અંકોની પુષ્કળ માંગણીઓ થવા લાગી.
અંકો ખલાસ થઈ જવા છતાં ય માંગણીઓ ચાલુ રહેતાં, પહેલાં ત્રણ વર્ષના અંકોમાં આવેલા વિષયોને જુદા જુદા પુસ્તક રૂપે પ્રગટ કરવાનો અમારે નિર્ણય કરવો પડ્યો.
અનેક પ્રકારની યુક્તિ-પ્રયુક્તિ-દષ્ટાંતો વગેરે દ્વારા આત્માની સાબિતી, જીવોના ૫૬૩ ભેદોનું વિવરણ, જીવ-અજીવ-પુણ્ય અને પાપતત્ત્વની વિગતવાર છણાવટ, અને પુણ્ય-પાપના અનુબંધની વિશિષ્ટ માહિતી તારક તત્ત્વજ્ઞાન' વિભાગમાં પૂજ્ય મુનિશ્રી મેઘદર્શન વિ.મ.સાહેબ પોતાની સરળ ભાષામાં રજૂ કરતાં હતા. પ્રથમ ત્રણ વર્ષના અંકોમાં નવ તત્ત્વોમાંથી (૧) જીવ (૨) અજીવ (૩) પુણ્ય અને (૪) પાપતત્ત્વ સુધીની વાતો આવરી લેવાઈ હતી; જે “તારક તત્ત્વજ્ઞાન” નામના આ પુસ્તક રૂપે પૂજયશ્રીની આશિષ તથા સંમતિથી સકળ સંઘના ચરણોમાં રજૂ કરવા ભાગ્યશાળી બન્યા છીએ. હવે પછી બાકી રહેલાં પાંચ તત્ત્વોનું સરળભાષામાં લખાણ કરીને પૂજ્યશ્રી અમને આપે તેવી વિનંતિ કરીએ છીએ, જેથી “તારક તત્ત્વજ્ઞાન ભાગ-૨” રૂપે અમે તેને પ્રગટ કરી શકીએ.
અમને આશા છે કે આ પુસ્તિકા વાંચનારના જીવનમાં વિશિષ્ટ પ્રકારનું પરિવર્તન આવ્યા વિના નહિ રહે.
કર્મનું કમ્યુટર”, “સૂત્રોના અર્થ અને રહસ્યો” તથા “શ્રાવક જન તો તેને રે કહીએ” નામની ત્રણ પુસ્તિકાઓ પણ પ્રગટ થઈ રહી છે.
લિ. સંચાલક, સંસ્કૃતિભવન, સુરત.