Sindur Prakar

Author(s): Jayanandvijay
Publisher: Guru Ramchandra Prakasham Samiti

Page 3

બે બોલ સિન્દુરપ્રકર' પર અનેકાનેક મહાપુરુષોએ પોતાના જ્ઞાનાવરણીય કર્મના ક્ષયોપશમ માટે વિવેચન સંસ્કૃત, હિન્દી, ગુજરાતી ભાષામાં કરેલ છે.
આ ગ્રન્થ આ પ્રકરણ એક એવો જનપ્રિય બની ગયેલ છે કે જેને વાંચવાની વિચારવાની પ્રત્યેક તક સાધક માટે અણમોલ બની જાય છે. ગ્રંથકારશ્રીએ એ ગ્રંથની રચના સમયે એવા જ શુભ પરમાણુઓનો આમાં પ્રવેશ કરાવેલ છે કે જો સાધક આત્મા પામવાનો અર્થિ બનીને આને વાંચશે તો એ આત્મા આમાંથી મેળવશે, મેળવશે અને અવશ્ય આત્મ સાધનાનો માર્ગ મેળવશે જ. એથી જ તો શ્વેતામ્બર, દિગંબર, સ્થાનકવાસી સૌ જૈનો, એટલું જ નહીં અજૈનો પણ આ પ્રકરણને માને છે. એને ભાવથી વાંચે છે. (આ પ્રકરણના વીશ વિષયોથી ઈષ્ટ ઈષ્ટ વિષયોની આરાધનાના હિસાબે દિગંબર જૈનોના વીશપંથી અને તેરાપંથી ભેદો પડ્યા છે.) આચાર્યશ્રીએ આ પ્રકરણના ઘણા શ્લોકો પોતાના કુમારપાલ પડિબોહોમાં ઉતાર્યા છે.
આ સિંદૂર પ્રકર ઉપર ખરતરગચ્છીય આ.શ્રી જિનહિતસૂરિના શિષ્ય આ.શ્રી ચારિત્રવધૂને સં. ૧૫૦૫ના વૈશાખ સુદિ ૮ ને ગુરૂવારે . ૪૮૦૦ પ્રમાણ ટીકા રચી છે. નાગોરી તપાગચ્છના હર્ષકીર્તિસૂરિએ સં. ૧૬૬૦ લગભગમાં તેના ઉપર એક ટીકા રચી છે. વળી દિગંબર-તેરાપંથી મતના પ્રવર્તક બનારસના પં. બનારસીદાસે સં. ૧૬૯૧માં તેનો હિન્દી પદ્યાનુવાદ કર્યો છે. જ્યારે એક વિદ્વાને તેનો ગુજરાતી પદ્યાનુવાદ કરેલો પણ મળી આવે છે. ? – જૈન પરમ્પરાનો ઇતિહાસ, ભાગ ૨, પૃ. ૫૫૭ - મેં પણ આ પ્રકરણને કંઠસ્થ કર્યું એ સમયથી આ પ્રકરણ પર વિવેચન લખવાની ભાવના હતી. તે આ સમયે પૂર્ણ થાય છે. પ.પૂ. આચાર્યદેવ શ્રી જયંતસેનસૂરીશ્વરજી મ.સા.એ આ વિવેચનને આઘોપાંત વાંચી ઉપયોગી માર્ગદર્શન આપેલ તે બદલ એમનો આભાર માનું છું. પ્રેસ માલિક શ્રી કીર્તિભાઈ એચ. વોરાએ તો અમારા કાર્ય માટે જે ભોગ આપ્યો છે તે બદલ એમનો આભાર માનીએ એટલો ઓછો છે એમને અમે ચાર-ચાર વાર પૂફો મંગાવ્યા તોય એમણે પૂફો બટર પેપર સુધા મોકલાવીને શુદ્ધિ માટે સારો સહકાર આપેલ છે. છતાં ‘ન્થિયા પુલ્વિયા દુર શુદ્ધિના' ના ન્યાયે આ વિવેચનમાં ક્યાંય ત્રુટી રહી ગઈ હોય તો વાચકગણ પાઠકગણ સુધારીને વાંચી વિચારીને જીવનમાં ઉતારશે એજ. પ્રથમવૃત્તિ દીપાવલી પર્વ ૨૦૫૦, ધાનેરા
લી. જયાનંદ બીજી આવૃત્તિ દીપાવલી પર્વ ૨૦૬૨, પાલીતાણા