Book Title: Silakkhandhavagga Abhinava Tika Part 1
Author(s): Vipassana Research Institute Igatpuri
Publisher: Vipassana Research Institute Igatpuri
View full book text ________________
(१.१.२७-२७)
महासीलवण्णना
३३१
अव्हायनाकारं दस्सेति । ये तु अ-कारतो अ-कारस्स लोपं कत्वा "सिरव्हायन"न्ति पठन्ति, तेसं पाठे अयमत्थो “मन्तं जप्पेत्वा सिरसा इच्छितस्स अत्थस्स अव्हायन''न्ति ।
२७. देवद्वानन्ति देवायतनं । उपहारन्ति पूजं । समिद्धिकालेति आयाचितस्स अत्थस्स सिद्धकाले । सन्तिपटिस्सवकम्मन्ति देवतायाचनाय या सन्ति पटिकत्तब्बा, तस्सा पटिस्सवकरणं । सन्तीति चेत्थ मन्तजप्पनेन पूजाकरणं, ताय सन्तिया आयाचनप्पयोगोति अत्थो । तस्मिन्ति यं “सचे मे इदं नाम समिज्झिस्सती''ति वुत्तं, तस्मिं पटिस्सवफलभूते यथाभिपत्थितकम्मस्मिं । तस्साति यो “पणिधी''ति च वुत्तो, तस्स पटिस्सवस्स | यथापटिस्सवहि उपहारे कते पणिधिआयाचना कता निय्यातिता होतीति । गहितमन्तस्साति उग्गहितमन्तस्स । पयोगकरणन्ति उपचारकम्मकरणं । इतीति कारणत्थे निपातो, तेन वस्सवोस्स-सद्दानं पुरिसपण्डकेसु पवत्तिं कारणभावेन दस्सेति, पण्डकतो विसेसेन असति भवतीति वस्सो। पुरिसलिङ्गतो विरहेन अवअसति हीळितो हुत्वा भवतीति वोस्तो। विसेसो रागस्सवो यस्साति वस्सो। विगतो रागस्सवो यस्साति वोस्सोति निरुत्तिनयेन पदसिद्धीतिपि वदन्ति । वस्सकरणं तदनुरूपभेसज्जेन । वोस्सकरणं पन उद्धतबीजतादिनापि, तेनेव जातकट्ठकथायं “वोस्सवराति उद्धतबीजा ओरोधपालका"ति वुत्तं । अच्छन्दिकभावमत्तन्ति इत्थिया अकामभावमत्तं । लिङ्गन्ति पुरिसनिमित्तं ।।
वत्थुबलिकम्मकरणन्ति घरवत्थुस्मिं बलिकम्मस्स करणं, तं पन उपद्दवपटिबाहनत्थं, वड्डनत्थञ्च करोन्ति, मन्तजप्पनेन अत्तनो, अ सञ्च मुखसुद्धिकरणं। तेसन्ति अञसं । योगन्ति भेसज्जपयोगं । वमनन्ति पच्छिन्दनं । उद्धंविरेचनन्ति वमनभेदमेव "उद्धं दोसानं नीहरण"न्ति वुत्तत्ता। विरेचनन्ति पकतिविरेचनमेव । अधोविरेचनन्ति सुद्धवत्थिकसाववत्थिआदिवस्थिकिरिया “अधो दोसानं नीहरण''न्ति वुत्तत्ता। अथो वमनं उग्गिरणमेव, उद्धंविरेचनं दोसनीहरणं । तथा विरेचनं विरेकोव, अधोविरेचनं दोसनीहरणन्ति अयमेतेसं विसेसो पाकटो होति । दोसानन्ति च पित्तादिदोसानन्ति अत्थो । सेम्हनीहरणादि सिरोविरेचनं। कण्णबन्धनत्थन्ति छिन्नकण्णानं सङ्घटनत्थं । वणहरणथन्ति अरुपनयनत्थं । अक्खितप्पनतेलन्ति अक्खीसु उसुमस्स नीहरणतेलं । येन अक्खिम्हि अञ्जिते उण्हं उसुमं निक्खमति । यं नासिकाय गण्हीयति, तं नत्थु। पटलानीति अक्खिपटलानि | नीहरणसमत्थन्ति अपनयनसमत्थं । खारजनन्ति खारकमञ्जनं । सीतमेव सच्चं निरुत्तिनयेन, तस्स कारणं अञ्जनं सच्चजनन्ति आह "सीतलभेसज्जजन"न्ति । सलाकवेज्जकम्मन्ति अक्खिरोगवेज्जकम्मं । सलाकसदिसत्ता सलाकसङ्घातस्स अक्खिरोगस्स
331
Jain Education International
For Private & Personal Use Only
www.jainelibrary.org
Loading... Page Navigation 1 ... 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 