Book Title: Silakkhandhavagga Abhinava Tika Part 1
Author(s): Vipassana Research Institute Igatpuri
Publisher: Vipassana Research Institute Igatpuri
View full book text ________________
३८४
दीघनिकाये सीलक्खन्धवग्ग अभिनवटीका-१
अनुरूपतो अरूपभवे, असञ्ञभवे च यथाक्कमं रूपरहिता, अरूपरहिता च खन्धानं पवत्ति होतीति वेदितब्बं ।
कस्मा पनेत्थ पुन सञ्ञप्पादा च पन " ते देवा तम्हा काया चवन्तीति सपादो तेसं चवनस्स कारणभावेन वुत्तो, “सञ्ञप्पादा"ति वचनं वा किमत्थदन्ति चोदनाय " यस्मा पना" तिआदिमाह । इध पटिसन्धिसञ्जुप्पादेन तेसं चवनस्स पञ्चायतो आपकहेतुभावेन वुत्तो, “सञ्ञ्जुप्पादा" ति वचनं वा तेसं चवनस्स पञ्ञायनभावदरसनन्ति अधिप्पायो । “सञ्जुप्पादा' 'ति हि एतस्स सञ्जुप्पादेन हेतुभूतेन चवन्ति, सञ्जुप्पादावा उप्पादसञ्ञा ते देवाति सम्बन्धो । सन्तभावायाति निब्बानाय | ननु चेत्थ जातिसतसहस्सदससंवट्टादीनमत्थके, तदब्भन्तरे वा पवत्ताय असनूपपत्तिया वसेन लाभीअधिच्चसमुप्पन्निकवादोपि लाभीसस्सतवादो विय अनेकभेदो सम्भवतीति ? सच्चमेव, अनन्तरत्ता पन आसन्नाय असञ्जूपपत्तिया वसेन लाभीअधिच्चसमुप्पन्निकवादो नयदस्सनवसेन एकोव दस्सितोति दट्ठब्बं । अथ वा सस्सतदिट्ठिसङ्गहतो अधिच्चसमुप्पन्निकवादस्स सस्सतवादे आगतो सब्बोपि देसनानयो यथासम्भवं अधिच्चसमुप्पन्निकवादेपि तब्बति इमस्स विसेसस्स दस्सनत्थं भगवता लाभीअधिच्चसमुप्पन्निकवादो अविभजित्वा दस्सितो, अवस्सञ्चस्स सस्सतदिट्ठिसङ्गहो इच्छितब्बो संकिलेसपक्खे सत्तानमज्झासयस्स सस्सतुच्छेदवसेनेव दुविधत्ता, तेसु च उच्छेदप्पसङ्गाभावतो | तथा हि अट्ठकथायं आसय - सद्दस्स अत्युद्धारवसेन वुत्तं " सस्सतुच्छेददिट्ठि चा "ति, तथा च वक्खति “यासं सत्तेव उच्छेददिट्ठियो, सेसा सरसतदिट्ठियो"ति (दी० नि० अट्ठ० १.९७, ९८ ) ।
Jain Education International
(१.१.६८-७३-६८-७३)
ननु च अधिच्चसमुप्पन्निकवादस्स सस्सतदिट्ठिसङ्गहो न युत्तो " अहञ्हि पुब्बे नाहोसि"न्तिआदिवसेन पवत्तनतो अपुब्बसत्तपातुभावगाहकत्ता । सस्सतदिट्ठि पन अत्तनो, लोकस्स च सदाभावगाहिनी " अत्थित्वेव सस्सतिसमन्ति पवत्तनतोति ? नो न युत्तो अनागतकोटिअदस्सनेन सस्सतग्गाहसमवरोधत्ता । यदिपि हि अयं वादो "सोम्हि एतरहि अहुत्वा सन्तताय परिणतो " ति ( दी० नि० १.६८) अत्तनो, लोकस्स च अतीतकोटिपरामसनवसेन पवत्तो, तथापि वत्तमानकालतो पट्ठाय न तेसं कत्थचि अनागते परियन्तं पस्सति, विसेसेन च पच्चुप्पन्नानागतकालेसु अपरियन्तदस्सनपभावितो सस्सतवादो, यथाह “ सस्सतिसमं तथेव ठस्सती 'ति ( दी० नि० १.३१ अत्थतो समानं ) यदेवं सिया इमस्स च वादस्स, सस्सतवादादीनञ्च पुब्बन्तकप्पिकेसु सङ्गहो न युक्त्तोयेव
384
For Private & Personal Use Only
www.jainelibrary.org
Loading... Page Navigation 1 ... 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516 