Silakkhandhavagga Abhinava Tika Part 1

Book Title: Silakkhandhavagga Abhinava Tika Part 1
Author(s): Vipassana Research Institute Igatpuri
Publisher: Vipassana Research Institute Igatpuri

View full book textPrevious | Next

Page 396
________________

(१.१.४९-५२-५३)
अन्तानन्तवादवण्णना
अन्तरधायति, तमत्थं दस्सेतुमाह “ उभोसु पना "तिआदि । तथा चाह पाळियं "ते अञ्ञमञ्ञम्हि पदुट्ठचित्ता किलन्तकाया किलन्तचित्ता ते देवा तम्हा काया चवन्ती 'ति । एकस्स कोधो इतरस्स पच्चयो होति, तस्सपि कोधो इतरस्स पच्चयो होतीति एत्थ कोधस्स भिय्यो भिय्यो परिवड्डनाय एव पच्चयभावो वेदितब्बो, न चवनाय निस्सयदहनरसेन अत्तनोयेव कोधेन हदयवत्थं निदहन्तेन अच्चन्तसुखुमालस्स करजकायस्स चवनतो । कन्दन्तानंयेव ओरोधानन्ति अनादरत्थे सामिवचनं । अयमेत्थ धम्मताति अयं तेसं करजकायमन्दताय, तथाउप्पज्जनकस्स च कोधस्स बलवताय ठानसो चवनभावो एतेसु देवेसु रूपारूपधम्मानं धम्मनियामो सभावोति अत्थो ।
४९-५२. चक्खादीनं भेदं पस्सतीति विरोधिपच्चयसन्निपाते विकारापत्तिदस्सनतो, अन्ते च अदस्सनूपगमनतो विनासं पस्सति ओळारिकत्ता रूपधम्मभेदस्स । पच्चयं दत्वाति अनन्तरपच्चयादिवसेन पच्चयसत्तिं दत्वा पच्चयो हुत्वाति वुत्तं होति, तस्मा न पस्ती सम्बन्धो, बलवतरम्पि समानं इमिना कारणेन न पस्सतीति अधिप्पायो । बलवतरन्ति च चित्तस्स हुतरभेदं सन्धाय वुत्तं । तथा हि एकस्मिं रूपे धरन्तेयेव सोळस चित्तानि भिज्जन्ति । चित्तस्स भेदं न पस्सतीति एत्थ खणे खणे भिज्जन्तम्पि चित्तं परस्स अनन्तरपच्चयभावेनेव भिज्जति, तस्मा पुरिमचित्तस्स अभावं परिच्छात्वा वि पच्छिमचित्तस्स उप्पत्तितो भावपक्खो बलवतरो पाकटोव होति, न अभावपक्खोति इदं कारणं दस्सेतुं "चित्तं पना 'तिआदि वृत्तन्ति दट्ठब्बं । अयञ्चत्थो अलाभचक्कनिदस्सनेन दीपेतब्बो । यस्मा पन तक्कीवादी नानत्तनयस्स दुरवधानताय, एकत्तनयस्स च मिच्छागहितत्ता “यदेविदं विञ्ञाणं सब्बदापि एवरूपेन पवत्तति, अयं मे अत्ता निच्चो 'तिआदिना अभिनिवेस जनेसि, तस्मा तमत्थं "सो तं अपस्सन्तो "तिआदिना सह उपमाय विभावेति ।
Jain Education International
अन्तानन्तवादवण्णना
३७३
५३.
अन्तानन्तसहचरितो वादो अन्तानन्तो यथा “कुन्ता पचरन्ती "ति, अन्तानन्तसन्निस्सयो वा यथा " मञ्चा उक्कुट्ठि करोन्तीति, सो एतेसन्ति अन्तानन्तिकाति अत्थं दस्सेतुं “अन्तानन्तवादा "ति वृत्तं । वृत्तनयेन अन्तानन्तसहचरितो, तन्निस्सयो वा, अन्तानन्तेसु वा पवत्तो वादो एतेसन्ति अन्तानन्तवादा । इदानि “अन्तवा अयं लोको 'तिआदिना वक्खमानपाठानुरूपं अत्थं विभजन्तो “अन्तं वा 'तिआदिमाह । अम
373
For Private & Personal Use Only
www.jainelibrary.org


Page Navigation
1 ... 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504 505 506 507 508 509 510 511 512 513 514 515 516