Satpadadi Prarupana

Author(s): Abhayshekharsuri
Publisher: Divyadarshan Trust

Page 7

સ્વ. પૂજ્યપાદ આ.દેવ શ્રીમદ્વિજય ભુવનભાનુસૂરીશ્વરજી મ.સા. ભુવનભાનુનાં અજવાળા ગ્રન્થમાં પ્રકાશિત થયેલા વિવિધ ભાવુકોના
પૂજ્યશ્રી માટેના કેટલાક હૃદયોદ્દગારો * ભારતના ખૂણે ખૂણે પૂજ્યશ્રીએ ધર્મપ્રભાવ પાથર્યો તેનું કારણ તેઓશ્રીના ઉપદેશની વેધકતા અને જીવનની સાધકતા. * કલિકાળમાં જો કોઈ અપ્રમાદની અપ્રતિમ પ્રતિભા શોધી કાઢવી હોય તો એ સ્વ.પૂ. ભુવનભાનું સૂ.મ.સા.નું જીવન હતું. અનેક ગુણોથી ભરપૂર એ સૂરીશ્વરના જીવનમાં અપ્રમાદ તરતો હતો, ઊભરાતો હતો, છલકાયે જતો હતો. * એમ કહીએ તો ચાલે કે પૂજ્યશ્રીએ એક વિરાગી સાધુ-સેના તૈયાર કરી છે. * સાધનાનો કોઈપણ યોગ યંત્રવત્ ન બની જાય અને ચેતનાથી ઘબકતો રહે તે પૂજ્યશ્રી હંમેશા ઈચ્છતા. * પૂજ્ય ગુરુદેવશ્રીની સાથે દેરાસરમાં ચૈત્યવંદન કરવું એ એક રોમાંચક અનુભવ હતો. એ વખતે પૂજ્યશ્રી પરમાત્માની વિરાટ અનંતગુણમય સૃષ્ટિમાં ખોવાઈ જતાં અને સહુને એમાં ખેંચી જતા. * મેં પૂજ્યશ્રીના જે પુસ્તકો વાંચ્યા છે તેમાં એકી સાથે મનોવૈજ્ઞાનિકતા, દાર્શનિકતા, ચિંતનશીલતા, વાસ્તવિકતા આદિ ગુણોના દર્શન થયા છે. * જિનશાસનનાં રહસ્યોનો સાગર પૂજ્યશ્રીના શબ્દોની એ ગાગરોમાં છલક છલક છલકાતો જોવા મળે... * અષ્ટપ્રવચનમાતાની ઉત્તમ આચરણા કરનારા પરમ માતૃભક્ત એટલે પૂજ્યપાદ શ્રી. * વિધિ, મુદ્રા અને ભાવના ત્રિવેણી સંગમ પર શોભતું તેઓશ્રીનું પ્રતિક્રમણ ભવ્ય ભાવચેતનાથી ધબકતું હતું. * પૂજ્યશ્રીના વિચાર, વચન ને વ્યક્તિત્વમાં પ્રભાવકતા હતી. * પંચમકાળનો અને છઠા સંઘયણનો એક માનવી સાધનાના પંથ ઉપર કેવી હરણફાળ ભરી શકે છે, કેવું પ્રચંડ સત્ત્વ ફોરવી શકે છે, કેવી મહાન ગુણસિદ્ધિઓને આંબી શકે છે અને કેવા મહાન વિસ્મયો સર્જી શકે છે... એનું વાસ્તવિક દર્શન એટલે પૂજ્યપાદશ્રીનું જીવન...