Book Title: Sambodhi 1989 Vol 16
Author(s): Ramesh S Betai, Yajneshwar S Shastri
Publisher: L D Indology Ahmedabad
________________
दोहा-पाहुड गमणागमणविवज्जियउ जो तइलोयपहाणु । गंगइ (?ड) गरुवइ(१ड) देउ किउ सो सणाणु अयाणु ॥१३७ पुणेण होइ विहओ विहवेण मओ मएण मइमोहो । मइमोहेण य णरयं तं पुण्णं अम्ह मा होउ ॥१३८ कासु समाहि करउं को अंचउं । छोपु अछोपु भणिवि को बचउ ॥ हल सहि कलह केण सम्माणउं । जहिं जहिं जोवउ तहिं अप्पाणउं ॥१३९ जइ मणि कोहु करिवि कलहीजइ । तो अहिसेउ णिरंजणु कीजइ ॥ जहिं जहिं जोयउ तहिं णउ को वि उ । हउं ण वि कालु वि मज्झु वि को वि उ ॥१४० णमिओ सि ताम जिणवर जाम ण मुणिओ सि देहमज्झई । जइ मुणिउ देहमज्झ ता केण णविज्जए कस्स ॥१४१ ता कप्पवियप्पा कम्मं अकुणंतु सुहासुह जणयं । अप्पसरूवा सिद्धी जाम ण हियए परिप्फुरइ ॥१४२ गहिलउ गहिलउ जणु भणइ गहिलउ मं करि खोहु । सिद्धिमहापरि पइसरइ उप्पाडेविणु मोहु ॥१४३ अवधउ अक्खरु जं उप्पज्जइ । अणु वि किं पि अण्णाउ ण किज्जइ ॥ आयई चित्ति लिहि मणु धारिवि । सोउ णिचितिउ पाय पसारिवि ॥१४४ किं बहुएं अडवड वडिण देह ण अप्पा होइ । देहहं भिण्णउ णाणमउ सो तुहुं अप्पा जोइ ॥१४५ पोत्था पढणि मोक्खु कहं मणु वि असुद्धउ जासु ।। बहुयारउ लुद्धउ णवइ मूलहिउ हरिणासु ॥१४६ दयाविहीणउ धम्मडा णाणिय कह वि ण जोइ । बहुएं सलिलविरोलियइं करु चोप्पडा ण होइ ॥१४७
Page Navigation
1 ... 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309