Book Title: Sambodhi 1989 Vol 16
Author(s): Ramesh S Betai, Yajneshwar S Shastri
Publisher: L D Indology Ahmedabad
________________
रामसिंह-मुणि-धिरइय विसया चिति म जीव तुहुँ विसय ण भल्ला होति । : सेवताहं वि महुर वढ पच्छइ दुक्खई दिति ॥२०० विसयकसायहं रंजियउ अप्पहिं चित्तु ण देइ । बंधिवि दुक्कियकम्मडा चिरु संसारु भमेइ ॥२०१
इंदियविसय चएवि वढ करि मोहहं परिचाउ । र अणुदिणु झावहि परमपउ तो एहउ ववसाउ ॥२०२
णिज्जियसासो णिफंदलोयणो मुक्कसयलवावारो । एयाइ अवत्थ गओ सो जोयउ णत्थि संदेहो ॥२०३
तुट्टे मणवावारे भग्गे तह रायरोससब्भावे । ॐ परमप्पयम्मि अप्पे परिहिए होइ णिव्वाणं ॥२०४
विसया सेवहि जीव तुहं छंडिवि अप्पसहाउ । अण्णइ दुग्गइ जाइसिहि तं एहउ ववसाउ ॥२०५ मंतु ण तंतु ण धेउ ण धारणु । ण वि उच्छासह किज्जइ कारणु ॥ एमइ परमसुक्खु मुणि सुव्वइ ।
एही गलगल कासु ण रुच्चइ ॥२०६ है.. उववास विसेस करिवि बहु एहु वि संवरु होइ ।
पुच्छइ किं बहु वित्थरिण मा पुच्छिज्जइ कोइ ॥२०७ 37. तउ करि दहविहु धम्मु करि जिणभासिउ सुपसिध्दु ।
कम्महं णिज्जर एह जिय फुडु अक्खिउ मई तुज्झु ॥२०८ 2. दहविहु जिणवरभासियउ धम्मु अहिंसासारु । . अहो जिय भावहि एक्कमणु जिम तोडहि संसारु ॥२०९ 32. भवि भवि दंसणु मलरहिउ भवि भवि करउं समाहि । . भवि भवि रिसि गुरु होइ महु णिहयमणुब्भववाहि ॥२१० :: अणुपेहा बारह वि जिय भाविवि एक्कमणेण । रामसीह मुणि इम भणइ सिवपुरि पावहि जेण ॥२११
[प्रक्षिप्त-दोहा] सुण्णं ण होइ सुण्णं दीसइ सुण्णं च तिहवणे सुण्णं । - अवहरइ पावपुण्णं सुण्णसहावेण गओ अप्पा ॥२१२
Page Navigation
1 ... 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309