Rushidatta Charitra Sangraha

Author(s): Chandanbalashreeji
Publisher: Bhadrankar Prakashan

Page 391

परिशिष्टम् [२] ऋषिदत्ताख्यानकम् ॥]
[३१७ ट्ठण तयं सुमिणं निवेयए निवइणो पहिट्ठमणा । सो वि य गरुयपरक्कमसुयलाभेणं सुहावेइ ॥४४२॥ तत्तो नवण्ह मासाणमुवरि अद्धट्ठमाण य दिणाण । उच्चट्ठाणगएसुं गहेसु सुपसत्थदिवसम्मि ॥४४३॥ विष्फुरियतेयपब्भारपयडियासेसदिसिवहूवयणं । पुव्वदिसारविबिंबं व्व सा पसूया सुयं देवी ॥४४४॥ वद्धाविओ य पियवयणियाए दासीए कणगरहराया । दाऊणं तीए निवो वंछाअइरित्तवसुदाणं ॥४४५॥ कारावइ नयरम्मि कुमारजम्मम्मि गरुयरिद्धीए । पडहयपयाणपुव्वं वद्धावणयं पुहइनाहो ॥४४६॥ तं च केरिसं? - वज्जिरगहिरमणोहरतूरारवमुहलु, जहिं नवरंगयनिवसणु नारीयणु सहलु । रभसपणच्चिरसुंदरवारविलयनिवहु, जहिं सवु सम्माणिज्जइ नायरजणु सवहु ॥४४७॥ ठाँवि ठाँवि जहि गिज्जइ चच्चर सवणसुह, मग्गि मग्गि मग्गिज्जहिं जहिं नरवइ पमुह । भवणि भवणि उब्भिज्जहिं जहिं जूवय-मुसल, पइ पइ जहिं पूइज्जहि सत्था-ऽऽगमकुसल ॥४४८॥ वंदणमालालंकिय तोरण जहिं सहहिं, वत्था-ऽऽहरण परोप्पर जहिं नायर लहहिं । चट्टथट्ट जहिं दीसइ तेल्लचुयंतसिर, वद्धावणउं तं वन्निउ सक्कहिं कवण किर? ॥४४९॥ 'जीव नंदय नंदय' रख सुव्वहिं जहिं वयण, जहिं संतुटुउ नरवइ वियर रह रयण । अभयदाणु जहिं दिज्जइ मणह सुहावणउं, तं तहिं हरिसिं वित्तउं निरु वद्धावणउं ॥४५०॥ एवं वद्धावणए सुहेण वित्ते सुहम्मि दिवसम्मि । सीहरहो त्ति विइन्नं कुलविद्धाहिं कुमरनामं ॥४५१॥ एवं सो पइदिवसं वित्थयकुलनहयलम्मि वईतो । चंदो व्व सुक्कपक्खे सयलजणाणंदणो कुमरो ॥४५२॥ विज्जागहणसमत्थो संजाओ अटूवरिसपरिमाणो । लेहायरियसयासे कलाण सव्वाण पारगओ ॥४५३॥ अह अन्नया य राया रिसिदत्ताए पियाए परियरिओ । पासायोवरि वायायणम्मि लीलाए ललइ सुहं ॥४५४॥ पेच्छइ य गयणभागे सुहुमं सम्मुच्छियं जलयखंडं। पच्छा विद्धि पत्तं तहेव रन्नो नियंतस्स ॥४५५॥ पणवन्नरुहरवत्तावयवं मण-नयणसुहयरं जायं । दीसइ नहलच्छीए कंचुयलीलं विडंबंतं ॥४५६॥ तत्तो पेच्छंतस्स वि पयंडपवणाहयं कुओ वि गयं । पुच्छइ देविं दइए ! दिटुं फुडमिंदियालमिमं ॥४५७॥
D:\chandan/new/datta-p/pm5\2nd proof