Rushidatta Charitra Sangraha

Author(s): Chandanbalashreeji
Publisher: Bhadrankar Prakashan

Page 392

३१८]
[ऋषिदत्ताचरित्रसंग्रहः ॥ जह एयं तह सव्वं भवम्मि पडिबंधकारणं मुणसु । पिय-माइ-कलत्त-सुमित्त-पुत्त-बल-रूव-रज्जाइ ॥४५८॥ पेच्छ पिए ! एवंविहभवस्सरूवं वियाणमाणा वि । न कुणंति धम्मतत्तिं विसयामिसमोहिया जीवा ॥४५९॥ मायन्हियाहिं नडिओ जलबुद्धीए जहा भमइ कोइ। तह जीवो विसयवसो भवगहणे भमइ सुहबुद्धी ॥४६०॥ जह किंपागतरुफलं मुहम्मि महुरं कुणंति खज्जंतं । तह आवाए सुहया परिणामे दारुणा विसया ॥४६१॥ जह वा मुहम्मि महुरं मारइ हालाहलं विसं भुत्तं । तह विसया वि हु पावा मारंति जियं भवावट्टे ॥४६२॥ जह चेव विसमसल्लेण सल्लिओ को वि दुक्खिओ होइ । तह विसयसल्लिओ वि हु भवम्मि जीवो वसइ दुहिओ ॥४६३॥ अन्नाणमोहमूढा तुच्छामिसविसयमोहिया जीवा । न मुणंति आयइदुहं विवागरूवं जओ भणियं ॥४६४॥ जह किर दुद्धं पेच्छइ मज्जारी न उण लउडयं मुद्धा। तह मूढो विसयसुहं पेच्छइ नो नरयदुक्खाइं ॥४६५॥ ता उज्झिउं दुरंते एए विसए अणत्थफलजणए । सुगुरुसमीवे कुणिमो परलोगसुहावहं धम्मं ॥४६६॥ एवं वेरग्गगओ राया सह पिययमाए ओयरिओ। काऊण रज्जचिंतं सुत्तो रयणीए सुहसयणे ॥४६७॥ तत्थ वि वेरग्गगओ गुरु-धम्मियसंकहाहिं सुहलेसो । अइवाहिऊण रयणि सुणइ पहाए पढिज्जंतं ॥४६८॥ जन्मेदं न चिराय भूरिभयदा लक्ष्योऽपि नैव स्थिराः, किम्पाकान्तफला नितान्तकटवः कामाः क्षणध्वंसिनः । आयुः शारदमेघचञ्चलतरं ज्ञात्वा तथा यौवनं, हे लोकाः ! कुरुताऽऽदरं प्रतिदिनं धर्मेऽघविध्वंसिनि ॥४६९॥ तं सोऊणं भणियं पिए ! सुभासियमिमं पढइ कोइ । मह चिंतियत्थसरिसं ता कुणिमो उज्जमं धम्मे ॥४७०॥ इय राया सह नियपिययमाए संवेयभावियमईओ । काऊण गोसकिच्चं उवविट्ठो रायअत्थाणे ॥४७१॥ एत्थंतरम्मि उज्जाणपालएणं कयंजलिउडेणं । विन्नत्तो देव ! तुमं वद्धाविज्जसि सपरिवारो ॥४७२॥ उज्जाणे संपत्तो विहरंतो तुह गुरू जणयसहिओ। दाऊण पारितोसियदाणं वद्धावयनरस्स ॥४७३॥
D:\chandan/new/datta-p/pm5\2nd proof