Rushidatta Charitra Sangraha

Author(s): Chandanbalashreeji
Publisher: Bhadrankar Prakashan

Page 397

परिशिष्टम्
[३] श्रीजयकीर्तिसूरिविरचितशीलोपदेशमालायाः श्रीसोमतिलकसूरिविरचितशीलतरङ्गिणीवृत्तौ
ऋषिदत्ताकथा ॥ पतिपरिहतानामपि महासतीनां शीलमाहात्म्यमाह
रिसिदत्ता दवदंती, कमला य कलावई विमलसीला ।
नामग्गहणजलेण वि, कलिमलपक्खालणं कुणह ॥ व्याख्या-ऋषिदत्ता तथा दवदन्ती तथा कमला तथा कलावती च, एताश्चतस्रोऽपि विमलशीलाः, प्रत्येकं परीक्षितनैर्मल्या नन्दन्त्विति सम्बन्धः माहात्म्यमाह-आस्तां स्तुत्यभिवादनादिकं, तासां नामग्रहणजलेनापि कलिमलप्रक्षालनं कुरुत, हे भव्या ! इत्यध्याहारः, अयं गाथासमासार्थः, व्यासार्थस्तु कथानकेभ्योऽवगन्तव्यः, तत्रादौ ऋषिदत्ताकथा । तथाहि
अत्रैव मध्यदेशेऽस्ति, पुरं श्रीरथमर्दनम् । वणिक्पुत्र इवाभाति, श्रीदो यत्रेभ्यसद्मसु ॥१॥ तत्र हेमरथो राजा, यस्य निस्त्रिंशवल्लरी । उष्णैरप्यरिनारीणां, ववृधे नेत्रवारिभिः ॥२॥ वल्लभा सुयशा नाम्नी, तस्य यन्नेत्रनिर्जिता । नूनं श्रिताऽप्यरण्यानी, मार्गमासेवते मृगी ॥३॥ नाम्नास्ति कनकरथ-स्तयोः पुत्रो महारथः । यत्कीर्तिकान्ता बालापि, सहेलं क्रमते नभः ॥४॥ इतः पुर्यस्ति कौबेरी, कबरीवाऽवनिश्रियः ।
नृपः सुन्दरपाणिस्तां, शास्ति शौण्डीर्यवज्रभृत् ॥५॥ १. शीलोपदेशमालायां-गाथा/५५ ।
D:\chandan/new/datta-p/pm5\2nd proof