________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
॥ षष्ठोद्देशकः ॥ जे भिक्खू माउग्गामं मेहुणवडियाए विण्णवेइ विणवेतं वा साइज्जइ ॥१॥ जे भिक्खू माउग्गामस्स मेहुणवडियाए हत्थकम्मं करेइ करेंतं वा साइज्जइ ॥२॥
जे भिक्खू माउग्गामस्स मेहुणवडियाए अंगादाणं कटेण वा किलिंचेण वा अंगुलियाए वा सलागाए वा संचालेइ संचालत वा साइज्जइ ॥३॥
जे भिक्खू माउग्गामस्स मेहुणवडियाए अंगादाणं संवाहेज्ज वा पलिमद्देज्ज वा संवाहतं वा पलिमहत वा साइज्जइ ॥४॥
जे भिक्खू माउग्गामस्स मेहुणवडियाए अंगादाणं तेल्लेण वा घएण वा वसाए वा नवणीएण वा अभंगेज्ज वा मक्खेज्ज वा अभंगतं वा मक्खेतं वा साइज्जइ ॥५॥
जे भिक्खू माउग्गामस्स मेहुणवडियाए अंगादाणं कक्केण वा लाद्धेण वा पउमचुण्णेण वा सिणाणेण वा ण्हाणेण वा चुण्णेहि वा वण्णेहि वा उब्वट्टेइ वा परिवटेइ वा उव्वटेंतं वा परिवटेंतं बा साइज्जइ ॥६॥
जे भिक्खू माउग्गामस्स मेहुणवडियाए अंगादाणं सीओदगवियडेण वा उसिणादगवियडेण वा उच्छोलेज्जवा पधोवेज्ज वा उच्छोलेंतं वा पधोतं वा साइज्जइ ॥७॥
जे भिक्खू माउग्गामस्स मेहुणवडियाए अंगादाणं णिच्छल्लेइ णिच्छल्लेतं वा साइज्जइ ॥८॥
जे भिक्खू माउग्गामस्स मेहुणवडियाए अंगादाणं जिग्घइ जिग्यतं वा साइज्जइ ।
जे भिक्खू माउग्गामस्स मेहुणवडियाए अंगादाणं अन्नयरंसि अचित्तंसि सोयंसि अणुप्पवे सेत्ता सुक्कपोग्गले निग्याएइ निग्याएंतं वा साइज्जइ ॥१०॥
जे भिक्खू माउग्गामस्स मेहुणवडियाए अवाउडि सयं कुज्जा संयं बूया करेंतं वा एतं वा साइज्जइ ॥११॥
जे भिक्खू माउग्गामस्स मेहुणवडियाए कलहं कुज्जा कलई बूया कळहवडियाए बूया कलहवडियाए गच्छइ बूएंतं वा गच्छत वा साइज्जइ ॥१२॥
जे भिक्खू माउग्गामस्स मेहुणवडियाए लेहं लिहइ लेहं लिहावेइ लेहवडियाए वा गच्छइ गच्छंतं वा साइज्जइ ॥१३॥
जे भिक्खू माउग्गामस्स मेहुणवडियाए पोसतं वा पिटुंतवा सोयंतं वा भल्लायएण उप्पाएइ उप्पाएंतं वा साइज्जइ ॥१४॥
For Private and Personal Use Only
