________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
॥ सप्तदशोदशकः ॥
।कौतूहलपतिज्ञाप्रकरणम् । जे भिक्खू कोउहल्लवडियाए अण्णयरं तसपाणजाई तणपासरण वा मुंजपासएण वा, कट्टपासएण वा, चम्मपासएण वा, वेत्तपासएण वा रज्जुपासरण वा सुत्तपासरण वा बंधइ बंधतं वा साइज्जइ ॥१॥
जे भिक्खू कोउहल्लवडियाए अण्णयरं तसपाणजाई तणपासएण वा, मुंजपासएण वा, कट्टपासएण वा, चम्मपासएण वा, वेत्तपासएण वा, रज्जुपासरण वा, सुत्तपासएण वा, बंधेल्लगं मुयइ मुयंतं वा साइज्जइ ॥२॥
जे भिक्खू कोउहल्लवडियाए तणमालियं वा मुंजमालियं वा भिंडमालियं वा मयणमालियं वा पिच्छमालियं वा दंतमालियं वा सिंगमालियं वा संखमालियं वा हइडमालियं वा कट्ठमालियं वा पत्तमालियं वा पुप्फमालियं वा फलमालियं वा बीयमालियं वा हरियमालियं वा करेइ करेंतं वा साइज्जइ ॥३॥
जे भिक्खू कोउहल्लवडियाए तणमालियं वा मुंजमालियं वा भिंडमालियं वा मयणमालियं वा पिच्छमालियं वा दंतमालिय वा सिंगमालिय वा संखमालियं वा हड्डमालियं वा कट्ठमालियं वा पत्तमालियं वा पुप्फमालियं वा फलमालियं वा बीयमालियं वा हरियमालियं वा धरेइ धरेत वा साइज्जइ ॥४॥ एवम्-परिझुंजइ० ॥५॥
जे भिक्खू कोउहल्लवडियाए अयलोहाणि वा तंबलोहाणि वा तउयलोहाणि वा सीसलोहाणि वा रुप्पलोहाणि वा सुवण्णलोहाणि वा करेइ करेंतं वा साइज्जइ ॥६॥ एवं घरे • ॥७॥ परिभुजइ० ॥८॥
जे भिक्खू कोउहल्लवडियाए हाराणि वा अद्धहाराणि वा एगावलिं वा मुत्तावलिं वा कणगावलिं वा रयणावलिं वा कडगाणि वा तुडियाणि वा केउराणि वा कुंडलाणि वा पाणि वा मउडाणि वा पलंबसुत्ताणि वा सुवण्णसुत्ताणि वा करेइ करेंत वा साइज्जइ ॥९॥ एवं धरेइ० ॥१०॥ परिभुजइ० ॥११॥
जे भिक्खू कोउहल्लवडियाए आईणाणि वा आईणपाउरणाणि वा कंबलाणि वा कंबलपाउरणाणि वा कोयराणि वा कोयरपाउरणाणि वा गोरमियाणि वा कालमियाणि वा नीलमियाणि वा सामाणि वा महासामाणि वा उट्टाणि वा उट्टलेस्साणि वा वग्याणि वा विवग्याणि वा पवंगाणि वा सहिणाणि वा सहिणकल्लाणि वा खोमाणि वा दुगुल्लाणि वा तिरीडपट्टाणि वा पतुलाणि बा पणलाणि वा आवरंताणि वा चीणाणि वा
For Private and Personal Use Only
