Laghu Trishashti Shalaka Purush Charitam

Author(s): Pradyumnasuri
Publisher: Shrutgyan Prasarak Sabha

Page 304

278 ] महोपाध्यायश्रीमन्मेघषिजयविरचितम् [ श्रीपार्श्व यक्षेण रक्षसा काल्या यक्षिण्या समहोत्सवम् / नीतः कुमारोऽप्युद्याने समित्रश्चैत्यमाचिचत् // 132 // सङ्गत्य पित्रा पुत्रोऽयमभिषिक्तो निजे पदे / / जिनशासनशोभाकृद् दीक्षयाऽऽप पदं शिवम् // 133 // धर्म कर्ता कारयिता प्राप्नोति बहुसम्पदः / यशस्यं तस्य संस्मार्य साम्प्रतं नाम साम्प्रतम् // 134 // मुक्त्याहितमनाः शुद्धस्थिरधीगुरुभक्तिभाक् / हस्तिरूपसुरासेव्यो भीमो विजयतां जने / 135 / // इति भीमकथा / / हिंसावचोऽपि चन्द्रायाः पुत्रस्य वातिदुःखदम् / वसुराजे मृषावाक्यं चौर्यचर्या महाबले / 136 / तुर्यव्रते सुन्दराख्यः भूमिजातेनिदर्शनम् / परिग्रहप्रमाणे च धनसारवणिक्कथा // 137 // पात्रदाने कुबेरं च निदर्य विरते मुनौ / हृष्टः किरणवेगस्तं प्रशशंस महामुनिम् // 138 // विरक्तात्मा निजं धाम जगाम काममुन्मनाः / / संन्यस्य तनये राज्यं स्वयं दीक्षामुपाश्रयत् // 139 // गीतार्थीभूय देशेषु विहरन् जनबोधनः / नभश्वारी जिनानन्तुं पुष्करद्वीपमभ्यगाव // 140 // शाश्वताहतबिम्बानि नत्वा वैताढयपार्श्वगे / __हैमशैले प्रतिमया स तस्थौ स्वस्थमानसः // 141 // कुक्कुटाहिर्नरकतः संजज्ञे भीषणोरगः / दृष्ट्वा किरणवेगं तं चुकोप तदने भ्रमन्. // 142 // ददंश बहुषु स्थानेष्वयं मात्सर्यदुर्दशः / ऋषिर्दध्यावयं मेऽभूत् सहायः कर्मभेदने // 143 / / क्षमयित्वाऽखिलान् जीवान् नमस्कारं स्मरन् सुधीः / द्वाविंशत्यर्णवायुः स सुरोऽभूदच्युते दिवे // 144 // स्थानं जम्बूद्रुमावर्ताख्यानं विमानमस्य तत् / सोऽप्यहिर्दग्धवान् वह्नौ ययौ धूमप्रभावनीम् // 145 // इति श्रीलघुत्रिषष्ठीये भगवत्पार्श्वचरिते तुर्यपश्चमभववर्णनम् // जम्बूद्वीपान्तरे प्रत्यगविदेहे विजये वरे / सुगन्धिनाम्ना नगरी गरीयः श्रीशुभङ्करा // 146 //