Laghu Trishashti Shalaka Purush Charitam

Author(s): Pradyumnasuri
Publisher: Shrutgyan Prasarak Sabha

Page 353

चरितम् ] लघुत्रिषष्टिशलाकापुरुषचरितम् [ 327 चमत्कारं स्वयं चान्ये देवा अपि यथा ययुः / तया महर्या श्रीवीरं ननाम त्रिदशाधिपः // 394 // त्रिभिर्विशेषकम् // दशार्णनृपतिस्तादृग्वैभवात् सर्वगर्वमुक् / स्वस्पद्धिनं हरिं चान्तद्विषो जेतुं व्रतं ललौ // 395 // कर्ममूलानीव द्रागुच्चखान कचानयम् / क्षामितो हरिणा नत्वा मनुष्यभवशंसिना // 396 // शालिग्रामे छिन्नवंशा धन्या स्त्री सङ्गमः सुतः / वत्सचारणवृत्त्यैवाऽकरोदाजीविकां निजाम् // 397 // कदाचित्पायसं लोकगृहे वीक्ष्य स्वमातरम् / ययाचे तत् ततोऽरोदीत् धन्याऽन्याः सुश्रुवुः स्त्रियः // 398 // ददुस्तं प्रातिवेशिन्यः सम्भूय पायसोदयम् / सङ्गमो भोजनायाऽस्थात् तदाऽगान् मासिकव्रती // 399 // प्रवृद्धभावो बालोऽपि सर्व तस्मै वितीर्णवान् / - बुभुजे तृप्तिपर्यन्तं शेषं मात्रा प्रवेषितम् // 400 // मृत्वा राजगृहे भद्रावेष्ठिन्यां समवातरत् / गोभद्रवेष्ठिनः सू नुर्दानधर्मनिदानतः / 401 // क्रमाद् वृद्धः स तारुण्ये कन्या द्वात्रिंशतं रसात् / / परिणिन्येऽथ गोभद्रो दीक्षया स्वः समासदत् // 402 / / दिव्यालङ्कारवसनाङ्गरागादि सुरो ददौ / भद्रा कार्याणि सर्वाण्यसाधयत् पुत्रशर्मणे / 403 / कम्बलोद्देशतः प्राप्तं स्वगृहे श्रेणिकं सुतः / पण्यं मत्वाऽम्बिकां प्रोचे यथेच्छं ध्रियतामदः // 404 // मात्रोक्तं वत्सराजायं प्रभुस्त्वदृष्टिकौतुकी। - आगतस्तं प्रणमनात् प्रीया प्रणयोन्मुखः // 405 // क्रीडान्तरायात् पीडावन् मन्यमानः स तद्विधिम् / चक्रे मातृगिरा किन्तु मनस्युद्वेगमाश्रयत् // 406 // . धर्मघोषमुनेर्धमं श्रुत्वा नारीः क्रमात् त्यजन् / भगिनीपतिना धन्यनाम्ना प्रोत्साहितो गिरा // 407 // 'द्रावपि व्रतमादाय जिनपार्श्वे तपो भृशम् / तन्वानौ प्रभुमापृच्छय गोचर्या जग्मतुः पथि।४०८।