Laghu Trishashti Shalaka Purush Charitam

Author(s): Pradyumnasuri
Publisher: Shrutgyan Prasarak Sabha

Page 330

304 ] महोपाध्यायश्रीमन्मेघविजयविरचितम् [ श्रीवर्धमान कौशिकः पूर्वलक्षाशीत्यायुत्रिदण्डिशासनी / भूत्वा पापद्भवान् भ्रान्त्वा स्थूणायां पुष्पमित्रवाक् // 23 // द्वासप्ततिपूर्वलक्षी जीवित्वाऽद्य दिवं ययौ / मध्यस्थितिः सुरश्च्युत्वाऽग्न्युद्योतश्चैत्यभागभूत् // 24 // पूर्वलक्षचतुःषष्टिं स्वायुमरीचिरादधत् / त्रिदण्डयैशानमगमन् मध्यमायुः सुरः पुरः // 25 // च्युत्वा स मन्दिरे जज्ञेऽग्निभूतिः पूर्वलक्षकाः / चतुःषष्टिः प्रपूर्यायुस्तृतीयदिवि देवता // 26 // ततश्च्युतः स कौशाम्ब्यां भारद्वाजो द्विजोऽभवत् / पूर्वाणां स चतुश्चत्वारिंशल्लक्षेषु जीवितः // 27 // तुर्यस्वर्गे सुरो भूत्वा भवं भ्रान्त्वा द्विजोऽजनि / चतुस्त्रिंशत् पूर्वलक्षायुष्कः स्थावरसंज्ञया // 28 // ब्रह्मलोके मध्यमायुः सुरो भूत्वा बहून् भवान् / भ्रामं भ्रामं तिर्यगादौ सेहे दुःखानि भूरिशः // 29 // ततो राजगृहे जन्म जगृहे भूभुजोऽनुजात् / विशाखभूतेर्धारिण्यां विश्वभूतिः स पप्रथे / 30 / पुष्पवाटीरमणतो राज्ञश्छलविमर्शनात् / व्रतमादाय तपसो निदानमकरोदिति // 31 // प्रपूर्य कोटिवर्षायुरनालोच्य मृतस्ततः / विश्वभूतिर्महाशुक्रे देवो भूत्वाऽर्द्धचक्र्यभूत् // 32 // त्रिपृष्ठः संज्ञया तस्याऽग्रजो चलो बलोऽभवत् / नरकः सप्तमाऽवन्यां त्रिपृष्ठोऽभून् महांहसा // 33 // विष्णुजीवस्तदुवृत्तः केसरी सोऽप्यतो मृतः / तुर्यावन्यां च नरकस्ततो बहुभवभ्रमः // 34 // नरोद्भवे पुण्यकर्मानुगुण्याच्चक्रवर्त्यभूत् / राजधान्यां स मूकायां विदेहेष्वपरा दिशि // 35 // श्रीधनंजयधारिण्योस्तनयोऽस्तानयो जयी / प्रियमित्रस्त्वमित्रच्छित् चित्रकृत् त्रिदिवौकसाम् // 36 // पोट्टिलाचार्यमासाद्य सद्यस्तद्देशनारसात् / प्रव्रज्य तेपे सुतपो वर्षकोटि ततः परम् // 37 // पूर्वलक्षचतुरशीत्याऽऽयुषाऽनशनादगात् / शुक्रस्वर्गे स सर्वार्थविमाने त्रिदशोत्तमः // 38 // छत्राग्रपुर्या च्युत्वाऽतो भद्रायां जितशत्रुतः / उदभूनन्दनो नाम गुणग्रामविभूषितः // 39 //